{"id":11017,"date":"2023-12-20T18:15:19","date_gmt":"2023-12-20T13:15:19","guid":{"rendered":"http:\/\/invest-in-uzbekistan.org\/?p=11017"},"modified":"2023-12-20T18:15:19","modified_gmt":"2023-12-20T13:15:19","slug":"prezident-oznakomilsya-s-rezultatami-i-dalnejshimi-planami-v-sfere-tsifrovyh-tehnologij","status":"publish","type":"post","link":"https:\/\/invest-in-uzbekistan.org\/uz\/novosti-uzbekistana\/prezident-oznakomilsya-s-rezultatami-i-dalnejshimi-planami-v-sfere-tsifrovyh-tehnologij\/","title":{"rendered":"Prezident raqamli texnologiyalar sohasidagi natijalar va rejalar bilan tanishdi"},"content":{"rendered":"

Prezident Shavkat Mirziyoyev 20-dekabr kuni Raqamli texnologiyalar vazirligiga tashrif buyurdi, deb xabar beradi<\/a> davlatimiz rahbari matbuot xizmati.<\/strong><\/span><\/p>\n

Raqamli boshqaruv markazida \u201cO\u2018zbekiston\u20132030\u201d strategiyasiga muvofiq amalga oshirilayotgan ishlar taqdimoti o\u2018tkazildi. Ma\u2019lumki, bu strategiyada mamlakatimizni mintaqaviy \u201cIT-HUB\u201dga aylantirish maqsadi belgilangan. Bu davlat boshqaruvi va sohalarni raqamlashtirish, aloqa infratuzilmasini yaxshilash, IT ta\u2019limni rivojlantirish kabi ko\u2018p omillarni talab etadi.<\/span><\/p>\n

Oxirgi yillarda ushbu yo\u2018nalishlarda katta o\u2018zgarishlar bo\u2018ldi. Axborot texnologiyalari subyektlari uchun yaratilgan sharoitlar va imtiyozlar natijasida bunday korxonalar va ish o\u2018rinlari soni, xizmatlar eksporti ortib bormoqda. Xususan, 2017-yilda yurtimizda IT kompaniyalar soni 147 ta bo\u2018lgan bo\u2018lsa, hozirda 1 ming 600 taga yetgan. Ish o\u2018rinlari ham qisqa vaqtda 10 baravar ko\u2018payib, 24 mingtadan oshgan. 2017-yilda 600 ming AQSH dollari bo\u2018lgan eksport hajmi joriy yil yakuni bilan 300 million dollardan oshishi kutilmoqda.<\/span><\/p>\n

My.gov.uz yagona portali orqali bugungi kunda 8\u00a0milliondan ortiq aholi va tadbirkorlar 570\u00a0turdagi onlayn xizmatdan foydalanmoqda.<\/span><\/p>\n

Ijro intizomi yagona tizimi – ijro.gov.uz orqali davlat idoralari va ularning quyi bo\u2018g\u2018inlari xodimlari tomonidan 28 millionta hujjat elektron ayriboshlangan.<\/span><\/p>\n

Prezidentimiz bu tizim rahbarlarning ongi va mas\u2019uliyatini o\u2018zgartirganini ta\u2019kidlab, hujjatlar integratsiyasi va sifatini yaxshilash, ijro intizomi nazoratini kuchaytirish bo\u2018yicha ko\u2018rsatmalar berdi.<\/span><\/p>\n

2022-yilda BMTning Elektron hukumat reytingida mamlakatimiz 18 pog\u2018ona yuqorilab, 69-o\u2018rinni egalladi. 2030-yilga borib, ushbu reytingda birinchi o\u2018ttiztalikka kirish bo\u2018yicha yillik chora-tadbirlar ishlab chiqilgan.<\/span><\/p>\n

Shuningdek, \u201cO\u2018zbekiston\u20132030\u201d strategiyasida IT xizmatlar va dasturiy mahsulotlar eksporti hajmini\u00a05 milliard\u00a0dollarga yetkazish maqsadi belgilangan. Buning uchun hududlarda IT infratuzilmani va venchur bozorini rivojlantirish, \u201clocal to global\u201d tamoyili orqali mahalliy korxonalarni eksportga olib chiqish, yurtimizda xalqaro kompaniyalarning ofislarini ochish kabi ko\u2018plab choralar ko\u2018zda tutilgan. Shu maqsadda ikki tomonlama soliqqa tortishning oldini olish, IT-park hududida Angliya huquqini joriy etish, rezidentlar uchun soliq imtiyozlarini 2040-yilgacha uzaytirish, umuman, bu sohaga 100 yillik qulaylik yaratish bo\u2018yicha takliflar muhokama qilindi.<\/span><\/p>\n

Davlat rahbari mamlakatimizning axborot texnologiyalari, turizm, investitsiya salohiyatini mujassamlashtirgan yaxlit imijini yaratish bo\u2018yicha ko\u2018rsatma berdi.<\/span><\/p>\n

Taqdimotda sohaga ixtisoslashgan ta\u2019lim to\u2018g\u2018risida ham axborot berildi. So\u2018nggi 3 yilda IT o\u2018quv markazlari soni 300 dan\u00a0oshdi. \u201cBir million dasturchi\u201d loyihasi doirasida ta\u2019lim olib, sertifikatga ega bo\u2018lgan yoshlar soni 1 million 200 ming nafarni tashkil etdi. O\u2018tgan yildan boshlab xalqaro IT-sertifikatlarga o\u2018qish xarajatlarini 50 foizgacha qoplab berish yo\u2018lga qo\u2018yildi. 215 ming nafar yoshlar xalqaro onlayn kurslarni bitirib, sertifikat oldi.<\/span><\/p>\n

Bularni davom ettirgan holda, kelgusi yildan boshlab, har yili 5 ming nafar iqtidorli yoshlarni saralash, o\u2018qitish hamda halqaro mehnat bozoriga tayyorlash tizimi joriy etiladi. Xorazm viloyatida \u201cAl-Xorazmiy vorislari\u201d loyihasida o\u2018qitish boshlanadi. Umuman, IT sohasida\u00a0300 ming\u00a0nafar yoshlarni\u00a0xalqaro kompaniyalar talabiga mos dasturlar\u00a0asosida tayyorlash va ish bilan ta\u2019minlash rejalashtirilgan.<\/span><\/p>\n

Shu yerda kosmik geoaxborot tizimi orqali suv omborlari hamda yer qa\u2019ridan foydalanish holatlarini monitoring qilish dasturi haqida ma\u2019lumot berildi.<\/span><\/p>\n

Prezident vazirlikning \u201cUZINFOCOM \u2013 Yagona integrator\u201d ofisida yaratilgan sharoitlarni ko\u2018zdan kechirdi, mutaxassislar bilan suhbatlashdi.<\/span><\/p>\n

– Sizlar hozirgi islohotlarda bizning eng ishongan kuchimiz. Kelajakda sizdek mutaxassislarga ehtiyoj yanada oshadi. Har bir soha va hudud raqamli texnologiyalar bilan hamohang rivojlanmasa, mamlakat rivojlanmaydi, – dedi Shavkat Mirziyoyev.<\/span><\/p>\n

Shu yerda sun\u2019iy intellekt asosida biometrik identifikatsiya qilish, sog\u2018liqni saqlash sohasini raqamlashtirish, elektr ta\u2019minoti billingi bo\u2018yicha axborot berildi. Davlatimiz rahbari ijtimoiy sohalar, ayniqsa, tibbiyot sohasining raqamli tizimini takomillashtirish, odamlarni rozi qilish zarurligini ta\u2019kidladi.<\/span><\/p>\n

Prezidentimizga Samarqand viloyati Nurobod tumanida tashkil etilgan \u201cIT Village\u201d haqida so\u2018zlab berildi. Bu majmua 1-9-sinf o\u2018quvchilarini axborot texnologiyalari bilan tanishtirish va bunga qiziqtirish, ularga ilk ko\u2018nikmalarni o\u2018rgatishga qaratilgan.<\/span><\/p>\n

Davlatimiz rahbari bunday majmualarni barcha hududlarda barpo etish bo\u2018yicha topshiriq berdi.<\/span><\/p>","protected":false},"excerpt":{"rendered":"