{"id":12168,"date":"2024-06-07T21:50:40","date_gmt":"2024-06-07T16:50:40","guid":{"rendered":"https:\/\/invest-in-uzbekistan.org\/?p=12168"},"modified":"2024-06-07T21:50:41","modified_gmt":"2024-06-07T16:50:41","slug":"prezidenty-uzbekistana-i-turtsii-proveli-vstrechu-s-rukovoditelyami-vedushhih-kompanij-dvuh-stran","status":"publish","type":"post","link":"https:\/\/invest-in-uzbekistan.org\/uz\/novosti-uzbekistana\/prezidenty-uzbekistana-i-turtsii-proveli-vstrechu-s-rukovoditelyami-vedushhih-kompanij-dvuh-stran\/","title":{"rendered":"O\u2018zbekiston va Turkiya Prezidentlari ikki mamlakat yetakchi kompaniyalari rahbarlari bilan uchrashuv o\u2018tkazdilar"},"content":{"rendered":"

O\u2018zbekiston tomonidan tadbirda «Global Textile», «ProCab», «Agromir Group», «ERIELL Group», «Akfa Holding», «Murad Buildings», «SAG», «BMB Holding», «Uzbekistan Hydrogen» kompaniyalari ishtirok etdi.<\/span><\/p>\n

Turkiya tomonidan «\u00c7al\u0131k», «Cengiz», «Acibadem», «Eczac\u0131ba\u015f\u0131», «Anadolu Group», «Aksa Energy», «Zorlu», «Kalyon», «Onur Group» kabi xolding kompaniyalari qatnashdi.<\/span><\/p>\n

Tadbirkorlar bilan bunday formatdagi muloqot ilk bor o\u2018tkazilmoqda. O\u2018zbekiston va Turkiya Prezidentlari Ishbilarmonlar kengashining tuzilishi ikki tomonlama munosabatlar rivoji yangi bosqichga ko\u2018tarilganining ramzi ekanini ta\u2019kidladilar.<\/span><\/p>\n

Yuzaga keladigan barcha masalalarni tezkor hal etish va kelgusidagi investitsiyaviy va savdo-iqtisodiy hamkorlikning ustuvor yo\u2018nalishlarini ilgari surish maqsadida kengash yig\u2018ilishlarini muntazam o\u2018tkazib turish zarurligi qayd etildi.<\/span><\/p>\n

O\u2018zbekiston rahbari ikki tomonlama savdo-iqtisodiy va investitsiyaviy sheriklik izchil sur\u2019atda rivojlanib borayotganidan mamnunligini bildirdi. So\u2018nggi besh yilda turk sarmoyasi ishtirokidagi korxonalar soni uch barobarga oshdi va 2 mingtaga yetdi, investitsiyalar hajmi ikki barobarga ortdi.<\/span><\/p>\n

Kuni kecha o\u2018tgan biznes forumi va ishbilarmonlik tadbirlari natijasida qishloq xo\u2018jaligi, qurilish, energetika, sog\u2018liqni saqlash, geologiya, elektrotexnika, qurilish materiallari ishlab chiqarish, zargarlik, to\u2018qimachilik va charm sanoati sohalarida ko\u2018plab ikki tomonlama hujjatlar imzolandi.<\/span><\/p>\n

Prezidentimiz energetika, qurilish, konchilik va oziq-ovqat sanoati sohalarida «Cengiz Energy», «Aksa Energy», «\u00c7al\u0131k Holding», «Eczac\u0131ba\u015f\u0131» va «Anadolu» kabi turk kompaniyalarining muvaffaqiyatli faoliyatini ko\u2018rsatib o\u2018tdi.<\/span><\/p>\n

Davlatimiz rahbari hamkorlikning istiqbolli yo\u2018nalishlarini belgilab, eng avvalo, investitsiyaviy sheriklik va sanoat kooperatsiyasini kengaytirishni taklif etdi.<\/span><\/p>\n

O\u2018zbekiston-Turkiya sanoat klasterini tashkil etish yuzasidan kelishuvga erishildi. Ushbu sanoat zonasi ikki mamlakat o\u2018rtasida amaliy hamkorlikning lokomotiviga aylanadi.<\/span><\/p>\n

O\u2018zbekiston Prezidenti davlat-xususiy sheriklik mexanizmlarini rivojlantirishga alohida e\u2019tibor qaratdi. Shu asosda 3 milliard dollarlik qo\u2018shma loyihalarni amalga oshirish rejalashtirilgan.<\/span><\/p>\n

Kengash uchrashuvida konchilik sanoatida hamkorlik qilish ustuvor yo\u2018nalishlardan biri sifatida qayd etildi. Turkiyaning yirik kon-geologiya kompaniyalari bilan foydali qazilmalarni o\u2018rganish va qazib olish bo\u2018yicha amaliy ishlar boshlangan.<\/span><\/p>\n

Turkiya Prezidenti Rejep Tayyip Erdog\u2018an, o\u2018z navbatida, Turkiya O\u2018zbekiston bilan barcha sohalarda o\u2018zaro manfaatli aloqalarni yanada mustahkamlashga intilishini bildirdi.<\/span><\/p>\n

U ikki mamlakat ishbilarmonlari o\u2018rtasida to\u2018g\u2018ridan to\u2018g\u2018ri hamkorlikni rivojlantirish uchun katta salohiyat mavjudligini ta\u2019kidladi. Turkiya yetakchisi kengash ishtirokchilarini savdo-iqtisodiy va investitsiyaviy aloqalarni mustahkamlash maqsadida konstruktiv muloqotga chaqirdi.<\/span><\/p>\n

Fikr almashish davomida turk ishbilarmon doiralari vakillari O\u2018zbekistonda olib borilayotgan ortga qaytmas islohotlar natijasida paydo bo\u2018lgan imkoniyatlarni yuqori baholadilar, bu islohotlar Turkiya biznesining uzoq muddatli rejalarini amalga oshirish uchun mustahkam poydevor yaratayotganini ta\u2019kidladilar.<\/span><\/p>\n

Uchrashuvda O\u2018zbekiston va Turkiyaning yetakchi kompaniyalari rahbarlari tomonidan ustuvor sohalarda hamkorlikni yanada chuqurlashtirishga qaratilgan aniq takliflar bildirildi.<\/span><\/p>\n

Davlat rahbarlari tadbirkorlarni birgalikda ishlashga tayyorligi uchun samimiy minnatdorlik bildirib, mas\u2019ul rahbarlarga ishbilarmonlarni har tomonlama qo\u2018llab-quvvatlash bo\u2018yicha ko\u2018rsatmalar berdilar.<\/span><\/p>","protected":false},"excerpt":{"rendered":"