{"id":12349,"date":"2024-06-27T22:20:23","date_gmt":"2024-06-27T17:20:23","guid":{"rendered":"https:\/\/invest-in-uzbekistan.org\/?p=12349"},"modified":"2024-06-27T22:20:23","modified_gmt":"2024-06-27T17:20:23","slug":"prezident-uzbekistana-dal-start-pervym-investitsionnym-proektam-v-tehnoparke-zaamina","status":"publish","type":"post","link":"https:\/\/invest-in-uzbekistan.org\/uz\/novosti-uzbekistana\/prezident-uzbekistana-dal-start-pervym-investitsionnym-proektam-v-tehnoparke-zaamina\/","title":{"rendered":"Zomin texnoparkida ilk investitsiya loyihalari qurilishi boshlandi"},"content":{"rendered":"

Mamlakatimizning barcha hududlarida iqtisodiyot uchun g\u2018oyat zarur bo\u2018lgan korxonalar barpo etilmoqda, deb xabar beradi<\/a> davlatimiz rahbari matbuot xizmati. Bu yangi ish o\u2018rinlari ochilishi, sanoat tarmoqlari rivojlanishi, pirovardida, xalqimiz farovonligi oshishiga xizmat qilayapti.<\/strong><\/span><\/p>\n

Jumladan, Jizzax viloyatida so\u2018nggi besh yilda qayta ishlash sanoati hajmi 1,6 barobarga ko\u2018payib, o\u2018tgan yilning o\u2018zida 19 trillion so\u2018mni tashkil qilgan. Eksport hajmi 2,2 barobarga oshib, 202 million dollarga yetgan.\u00a0<\/span><\/p>\n

\u00a0Xorijiy investitsiyalar miqdori ham yil sayin o\u2018sib bormoqda. 2018-yilda viloyatda bor-yo\u2018g\u2018i 18 million dollar xorijiy investitsiya o\u2018zlashtirilgan bo\u2018lsa, o\u2018tgan yili bu raqam salkam 700 million dollarga yetgan. Chet el kapitali ishtirokidagi korxonalar soni 260 tani tashkil qilmoqda.<\/span><\/p>\n

Bunda har bir tumanning o\u2018z o\u2018rni bor. Xususan, Zomin tumanida investitsiya dasturlari doirasida so\u2018nggi besh yilda 1,8 trillion so\u2018mlik 300 ga yaqin loyiha amalga oshirilgan va uch mingdan ortiq ish o\u2018rni ochilgan. Qulay biznes muhiti tufayli tumandagi kichik tadbirkorlik subyektlari soni 4 barobar ko\u2018paygan.<\/span><\/p>\n

Zominning go\u2018zal tabiatiga asoslanib turizm sohasi uning \u201cdrayveri\u201dga aylantirilmoqda. Bunday xizmatlarni ko\u2018paytirish maqsadida yaqinda Zomin turistik zonasi tashkil etildi.\u00a0<\/span><\/p>\n

Bular bilan cheklanib qolmasdan, Zominda sanoatni rivojlantirishga kirishilgan. Chunki hudud buning uchun juda qulay. Tuman mamlakatimiz markaziy qismida joylashgan. Bu yerdan temir yo\u2018l o\u2018tgan. Yaqinda Zomin aeroporti kengaytirilib, rekonstruksiya qilindi.<\/span><\/p>\n

Endi tumanda Xitoyning \u201cMingyuan\u201d kompaniyasi bilan hamkorlikda \u201cTexnopark\u201d maxsus sanoat zonasi barpo etilmoqda. Buning uchun 400 gektar yer maydoni ajratilgan. Uni infratuzilma bilan ta\u2019minlash bo\u2018yicha manzilli dastur tasdiqlanib, 160 milliard so\u2018m mablag\u2018 yo\u2018naltirildi.<\/span><\/p>\n

Bu boradagi amaliy ishlar avvalroq boshlangan bo\u2018lib, 30 dan ortiq loyihalar shakllantirilgan. Ularga xitoylik investorlar tomonidan 1,2 milliard dollar investitsiya yo\u2018naltiriladi.<\/span><\/p>\n

Mazkur zonada tashqi bozorlarda talab yuqori bo\u2018lgan qo\u2018shilgan qiymatli mahsulotlar chiqaruvchi korxonalar tashkil etiladi. Xususan, elektrotexnika, mashinasozlik, qurilish materiallari, mebelsozlik, oziq-ovqat va xizmat ko\u2018rsatish yo\u2018nalishdagi loyihalar amalga oshiriladi.<\/span><\/p>\n

Natijada 5 mingdan ortiq ish o\u2018rinlari paydo bo\u2018ladi, 4,7 trillion so\u2018mlik sanoat mahsulotlari ishlab chiqariladi hamda 70 million dollarlik eksport salohiyati yaratiladi.<\/span><\/p>\n

Texnopark hududida Xalqaro tajriba almashinuv injenerlik markazi tashkil etilib, sanoat korxonalari uchun shu yerning o\u2018zida malakali mutaxassislar tayyorlash yo\u2018lga qo\u2018yiladi.<\/span><\/p>\n

Shuningdek, ushbu hududda ofis markazi, turar joylar, ekobog\u2018, ko\u2018rgazmalar zali va savdo markazi barpo etiladi.<\/span><\/p>\n

$\"\"$ <\/a><\/span><\/p>\n

Marosimda davlatimiz rahbari ramziy tugmani bosib, texnoparkdagi ilk investitsiya loyihalari qurilishini boshlab berdi.<\/span><\/p>\n

Ushbu zamonaviy loyihalarning amalga oshirilishida ishbilarmonlarga muvaffaqiyatlar tiladi.<\/span><\/p>","protected":false},"excerpt":{"rendered":"