{"id":12488,"date":"2024-07-10T19:59:43","date_gmt":"2024-07-10T14:59:43","guid":{"rendered":"https:\/\/invest-in-uzbekistan.org\/?p=12488"},"modified":"2024-07-10T19:59:43","modified_gmt":"2024-07-10T14:59:43","slug":"dolozheno-o-provodimoj-rabote-v-sfere-geologii","status":"publish","type":"post","link":"https:\/\/invest-in-uzbekistan.org\/uz\/novosti-uzbekistana\/dolozheno-o-provodimoj-rabote-v-sfere-geologii\/","title":{"rendered":"Geologiya sohasidagi ishlar haqida axborot berildi"},"content":{"rendered":"

Prezident Shavkat Mirziyoyev 9-iyul kuni geologiya sohasidagi ishlar va investitsiya loyihalari ijrosi bilan tanishdi, deb xabar beradi<\/a> davlatimiz rahbari matbuot xizmati.<\/strong><\/span><\/p>\n

Mutasaddilar yil boshida belgilangan vazifalarning bajarilishi yuzasidan axborot berdi.<\/span><\/p>\n

Jumladan, o\u2018tgan 6 oyda qariyb 3 million tonna ko\u2018mir qazib olingan.\u00a0\u00a0\u201cSharg\u2018unko\u2018mir\u201d aksiyadorlik jamiyatida mexanizatsiyalashgan yerosti komplekslari to\u2018liq ishga tushirilib, ko\u2018mir qazib chiqarish bir kecha-kunduzda 3,5 ming tonnaga yetkazilgan.<\/span><\/p>\n

Ikkinchi yarim yillikda yana 5 million tonnadan ziyod ko\u2018mir qazib olinishi rejalashtirilgan. Shundan 1,8 million tonna issiqlik elektr stansiyalariga, 1 million tonnadan ortig\u2018i aholiga, 540 ming tonna ijtimoiy muassasalarga yetkazib beriladi, 1,8 million tonna mahalliy ko\u2018mir birja savdolariga chiqariladi.<\/span><\/p>\n

Umuman, bu yil ko\u2018mir qazib chiqarish o\u2018tgan yilga nisbatan 1,4 million tonnaga ko\u2018p bo\u2018lib, import hajmi sezilarli qisqaradi.<\/span><\/p>\n

Tarmoqda qator investitsiya loyihalari ham amalga oshirilmoqda. Xususan, Nishbosh konini o\u2018zlashtirishga Xitoyning \u201cHenan\u201d kompaniyasi 400 million dollar to\u2018g\u2018ridan to\u2018g\u2018ri investitsiya kiritishi ko\u2018zda tutilgan. Bu loyiha samarasida yerosti usulida yiliga 8 million tonnagacha ko\u2018mir qazib chiqarish va shundan 5 million tonnasini boyitish rejalashtirilgan.<\/span><\/p>\n

$\"\"$ <\/a><\/span><\/p>\n

Yurtimizda kaolinning ham katta zaxirasi mavjud. Hozirda konlarni o\u2018zlashtirishga jalb qilingan tadbirkorlar tomonidan 396 ming tonna mahsulot qazib olinmoqda. Bu juda kam.<\/span><\/p>\n

Shu bois 2024-2025-yillarda Geologiya dasturi doirasida 7 ta kon tashabbuskorlarga taklif etiladi va bu orqali qazib olish hajmi 2 million 700 ming tonnaga yetkaziladi.<\/span><\/p>\n

Toshkent viloyatidagi \u201cApartak-3\u201d koni negizida Turkiyaning \u201cBab Energy ve Petrol Urunleri A.S.\u201d kompaniyasi bilan hamkorlikda ish olib borilmoqda. 15 million dollarlik mazkur loyiha natijasida 40 ta yangi ish o\u2018rni yaratilib, yiliga 70 ming tonna boyitilgan kaolin tayyorlanadi.<\/span><\/p>\n

Shu yil 29-aprel kuni bo\u2018lib o\u2018tgan yig\u2018ilishda davlatimiz rahbari sanoat uchun muhim minerallar masalasiga alohida e\u2019tibor qaratgan edi. Shundan so\u2018ng, bu yo\u2018nalishga ixtisoslashgan \u201cO\u2018zbekiston texnologik metallar kombinati\u201d aksiyadorlik jamiyati tashkil etildi. Ilmiy va texnologik tadqiqot hamda geologiya-qidiruv ishlariga qaratilgan 40 million dollarlik 34 ta loyiha ishlab chiqildi.<\/span><\/p>\n

Bu tarmoqqa yetakchi xorijiy kompaniyalar va malakali ekspertlarni jalb qilib, o\u2018zaro hamkorlikni rivojlantirish choralari ko\u2018rilmoqda. Jumladan, o\u2018tgan oyda Koreya Respublikasi Prezidentining mamlakatimizga tashrifi doirasida \u201cKIGAM\u201d instituti bilan noyob minerallarni izlash, texnologik tadqiqotlar o\u2018tkazish va raqamlashtirish bo\u2018yicha 10 million dollarlik grant loyihasi yuzasidan\u00a0kelishuv imzolandi.<\/span><\/p>\n

Xitoy Xalq Respublikasi bilan hamkorlikdagi umumiy qiymati 800 million dollarlik loyihalarning borishi haqida ham axborot berildi.<\/span><\/p>\n

Davlatimiz rahbari geologiya-qidiruv ishlarini kengaytirish, olingan xomashyolardan qo\u2018shilgan qiymatli mahsulotlar ishlab chiqarish bo\u2018yicha ko\u2018rsatmalar berdi.<\/span><\/p>","protected":false},"excerpt":{"rendered":"