{"id":12513,"date":"2024-07-12T22:31:59","date_gmt":"2024-07-12T17:31:59","guid":{"rendered":"https:\/\/invest-in-uzbekistan.org\/?p=12513"},"modified":"2024-07-12T22:31:59","modified_gmt":"2024-07-12T17:31:59","slug":"dan-start-rabote-predpriyatij-i-stroitelstvu-novyh-moshhnostej","status":"publish","type":"post","link":"https:\/\/invest-in-uzbekistan.org\/uz\/novosti-uzbekistana\/dan-start-rabote-predpriyatij-i-stroitelstvu-novyh-moshhnostej\/","title":{"rendered":"Yangi korxonalar ishga tushirilib, loyihalar qurilishi boshlandi"},"content":{"rendered":"

Shu bois davlatimiz rahbarining hududlarga tashrifi chog\u2018ida eng muhim loyihalarga to\u2018xtalish an\u2019anaga aylangan. Farg\u2018ona viloyatida ham yangi korxonalarni ishga tushirish va qurilishini boshlash marosimi bo\u2018ldi.<\/span><\/p>\n

Prezident Shavkat Mirziyoyev so\u2018zining avvalida so\u2018nggi besh yilda Farg\u2018onada sanoat hajmi 1,3 barobarga ko\u2018payganini qayd etdi. Eksport hajmi qariyb 2 barobarga oshib, 722 million dollarni tashkil etgan.\u00a0<\/span><\/p>\n

Investitsiyalar miqdori ham yil sayin o\u2018sib bormoqda. 2018-yilda viloyatda bor-yo\u2018g\u2018i 90 million dollar sarmoya o\u2018zlashtirilgan bo\u2018lsa, o\u2018tgan yili bu ko\u2018rsatkich 1 milliard 300 million dollar bo\u2018lgan. Chet el kapitali ishtirokidagi korxonalar soni 470 taga yetgan.\u00a0<\/span><\/p>\n

Viloyatda 6 milliard dollarlik xorijiy investitsiyalar hisobidan 110 ta va yana 1,1 milliard dollarlik 22 ta mahalliy loyiha bo\u2018yicha ishlar jadal ketmoqda. Ularda 20 mingdan ortiq ish o\u2018rni bo\u2018ladi.<\/span><\/p>\n

– Ilgari viloyatda 6 ta loyiha qilish amri mahol edi. Bugun 6 milliard dollarlik loyihalar haqida gapirayapmiz. Nima uchun? O\u2018sdik, rivojlandik, investorlarni ishontirdik, sharoit yaratdik. Bunday ishlarni yana davom ettiramiz,\u00a0<\/em>– dedi Shavkat Mirziyoyev.<\/span><\/p>\n

Birgina \u201cQo\u2018qon\u201d erkin iqtisodiy zonasida 370 million dollarlik yuzga yaqin loyiha bajarilib, 9 mingta yangi ish o\u2018rni yaratildi. Ular tomonidan joriy yilning birinchi yarmida 1 trillion 500 milliard so\u2018mlik mahsulot ishlab chiqarilib, 60 million dollarlik eksport qilindi.<\/span><\/p>\n

Kuni kecha qabul qilingan Prezident qaroriga ko\u2018ra, ushbu sanoat zonasi Quvasoy shahri bo\u2018ylab 210 gektarga kengaytiriladi. Unda qiymati 1 milliard dollarlik 185 ta loyiha joylashtirilib, 12 mingta ish o\u2018rni yaratiladi. Bundan tashqari, Qo\u2018qon shahrida 230 gektar maydonda \u201cO\u2018zbekiston \u2013 Xitoy\u201d maxsus sanoat zonasi tashkil etiladi.<\/span><\/p>\n

Viloyatdagi muvaffaqiyatli loyihalardan biri \u2013 Singapurning \u201cIndorama\u201d kompaniyasi bilan hamkorlikdagi mineral o\u2018g\u2018itlar zavodi. Endi uning yuqori samarador kompleks o\u2018g\u2018itlar ishlab chiqarish bo\u2018yicha 2-bosqichi ishga tushirilmoqda hamda 3-bosqichi boshlanmoqda. Bularning natijasida yiliga 300 ming tonnadan ortiq mahsulot ishlab chiqarilib, qo\u2018shimcha 50 million dollarlik eksport ta\u2019minlanadi.<\/span><\/p>\n

Marosimdagi yana to\u2018rtta loyiha energetika sohasida. Ular \u2013 Beshariq tumanida quyosh elektr stansiyasi, O\u2018zbekiston tumanida elektr energiyasini saqlash tizimi, Farg\u2018ona tumanida kichik gidroelektr stansiyalari.\u00a0<\/span><\/p>\n

Iqtisodiyotimizda elektr energiyaga bo\u2018lgan talab yiliga o\u2018rtacha 6 foizga oshib bormoqda. Shu bois an\u2019anaviy manbalar bilan birga qayta tiklanuvchi quvvatlar ham rivojlantirilmoqda.\u00a0<\/span><\/p>\n

So\u2018nggi uch yilda 2 milliard dollar xorijiy investitsiya hisobiga quvvati 2,4 gigavatt bo\u2018lgan 10 ta quyosh va shamol elektr stansiyasi tarmoqqa ulandi. Yil yakuniga qadar yana 12 ta stansiyaning qariyb 2,6 gigavatt quvvatlari ulanadi. Shuningdek, hozirgi kunda jami 19 milliard dollarlik, 18,3 gigavattli 32 ta \u201cyashil\u201d loyiha amalga oshirilmoqda. Muhimi, bunday loyihalar har bir viloyatda bor.\u00a0<\/span><\/p>\n

Xususan, Farg\u2018onaning Beshariq tumanida Germaniyaning \u201cHyper Partners\u201d kompaniyasi bilan 500 megavattli quyosh elektr stansiyasi qurilishi boshlanmoqda. 350 million dollarlik mazkur loyihaning dastlabki 200 megavatti shu yilning o\u2018zida tarmoqqa ulanib, kelgusi yilda to\u2018liq ishga tushiriladi. Unda yiliga 1 milliard 600 million kilovatt soat yoki 675 ming xonadonning bir yillik iste\u2019moliga teng \u201cyashil\u201d energiya ishlab chiqariladi. Natijada 466 million metr kub tabiiy gaz tejaladi.<\/span><\/p>\n

O\u2018zbekiston tumanida 144 million dollar xorijiy investitsiya hisobiga 150 megavattli ilk elektr energiyasini saqlash tizimi barpo etiladi. Xitoyning \u201cGezhouba Group\u201d kompaniyasi bilan hamkorlikdagi ushbu majmua shu yil yakuniga qadar ishga tushiriladi. U elektr energiyasiga talab ortgan vaqtda avtomatik ishga tushib, energetika tizimi barqarorligini ta\u2019minlaydi.<\/span><\/p>\n

Ushbu zamonaviy stansiyalar energetika xavfsizligini ta\u2019minlashga, iqtisodiy samaradorlikni oshirishga, ekologik barqarorlikni yaxshilashga xizmat qiladi.<\/span><\/p>\n

Sohadagi yana bir yo\u2018nalish \u2013 suv resurslaridan samarali foydalanish. So\u2018nggi yetti yilda 630 million dollar investitsiya hisobiga 400 megavattdan ortiq yangi quvvatlar barpo etilib, gidroelektr stansiyalar quvvati 2,2 gigavattga yetkazildi.<\/span><\/p>\n

Izlanishlar davom ettirilib, yurtimizda 56 megavatt quvvatli 200 ta\u00a0\u00a0kichik va mikro GESlar qurish imkoniyati aniqlandi. Bu borada alohida dastur qabul qilindi. Uning doirasida Farg\u2018ona tumanining cheka hududlarida 2 ta kichik GES barpo etildi. Birinchisi, Shohimardon qishlog\u2018ida qurilgan 2,2 megavattli, ikkinchisi, Yuqori Vodil qishlog\u2018idagi 430 kilovattli stansiyalardir. Ular yaqin mahallalardagi aholini uzluksiz elektr energiyasi bilan ta\u2019minlaydi.<\/span><\/p>\n

Davlatimiz rahbari ramziy tugmani bosib, bitgan korxonalar faoliyatini va yangi loyihalar qurilishini boshlab berdi.<\/span><\/p>","protected":false},"excerpt":{"rendered":"