{"id":12851,"date":"2024-08-09T21:25:15","date_gmt":"2024-08-09T16:25:15","guid":{"rendered":"https:\/\/invest-in-uzbekistan.org\/?p=12851"},"modified":"2024-08-09T21:25:15","modified_gmt":"2024-08-09T16:25:15","slug":"prezident-respubliki-uzbekistan-oboznachil-ryad-prioritetnyh-napravlenij-prakticheskogo-regionalnogo-vzaimodejstviya","status":"publish","type":"post","link":"https:\/\/invest-in-uzbekistan.org\/uz\/novosti-uzbekistana\/prezident-respubliki-uzbekistan-oboznachil-ryad-prioritetnyh-napravlenij-prakticheskogo-regionalnogo-vzaimodejstviya\/","title":{"rendered":"O\u2018zbekiston Respublikasi Prezidenti mintaqada amaliy hamkorlikning ustuvor yo\u2018nalishlarini qayd etdi"},"content":{"rendered":"

O\u2018zbekiston Respublikasi Prezidenti Shavkat Mirziyoyev 9-avgust kuni Ostona shahrida Markaziy Osiyo davlatlari rahbarlarining oltinchi Maslahat uchrashuvida ishtirok etdi, deb xabar beradi<\/a> davlatimiz rahbari matbuot xizmati.<\/strong><\/span><\/p>\n

$\"\"$ <\/a><\/span><\/p>\n

Qozog\u2018iston Respublikasi Prezidenti Qasim-Jomart Toqayev raisligida o\u2018tgan tadbirda Qirg\u2018iz Respublikasi Prezidenti Sadir Japarov, Tojikiston Respublikasi Prezidenti Emomali Rahmon, Turkmaniston Prezidenti Serdar Berdimuhamedov, shuningdek, faxriy mehmonlar sifatida Ozarbayjon Respublikasi Prezidenti Ilhom Aliyev va BMTning Markaziy Osiyo uchun preventiv diplomatiya bo\u2018yicha mintaqaviy markazi rahbari Kaxa Imnadze ham qatnashdi.<\/span><\/p>\n

Kun tartibiga muvofiq, mintaqada ko\u2018p qirrali hamkorlikni yanada kengaytirish, jumladan, siyosiy muloqotni rivojlantirish, savdo, investitsiyalar, transport, energetika, qishloq xo\u2018jaligi va ekologiya sohalarida qo\u2018shma dastur va loyihalarni ilgari surish, madaniy-gumanitar almashinuvni faollashtirish, shuningdek, zamonaviy tahdid va xatarlarga qarshi chora ko\u2018rish masalalari muhokama qilindi.<\/span><\/p>\n

O\u2018zbekiston rahbari o\u2018z nutqida mintaqada birdamlik va hamjihatlikni mustahkamlash, ko\u2018p qirrali hamkorlikni kengaytirish borasidagi umumiy sa\u2019y-harakatlarni yuqori baholadi.<\/span><\/p>\n

– Ochiq va samarali muloqotlarimiz, ilgari surilgan muhim tashabbuslar, ishga tushirilgan ko\u2018p tomonlama loyihalar va dasturlar, amalga oshirilgan ko\u2018plab qo\u2018shma tadbirlar va shu kabi boshqa harakatlarimiz mintaqa qiyofasini va imijini tubdan o\u2018zgartirdi,<\/em>\u00a0– dedi Shavkat Mirziyoyev.<\/span><\/p>\n

Mintaqa mamlakatlari samarali hamkorlik qilib, muhim masalalarni hal eta boshlagani ta\u2019kidlandi. O\u2018zaro savdo, investitsiyalar, yuk tashish hajmi, fuqarolarning tashriflari bir necha barobar oshdi. Xorijiy davlatlarning mintaqaga qiziqishi sezilarli darajada oshdi, \u2018\u2018Markaziy Osiyo plyus\u2019\u2019 formatidagi turli uchrashuvlar shundan dalolat beradi.<\/span><\/p>\n

– Bugun biz umummintaqaviy o\u2018ziga xoslikni shakllantirish jarayoni boshlangani haqida ishonch bilan aytishimiz mumkin,<\/em>\u00a0– dedi O\u2018zbekiston Prezidenti.<\/span><\/p>\n

Davlatimiz rahbari hamkasblarining mintaqaviy o\u2018zaro hamkorlik mexanizmlari va institutlarini ishga tushirish, jumladan, milliy koordinatorlar, tarmoq vazirliklari va idoralari vakillari uchrashuvlari bo\u2018yicha takliflarini qo\u2018llab-quvvatladi. Hozirgi bosqichda qabul qilinayotgan qarorlarni amalga oshirish va qo\u2018shma loyihalarni ilgari surish uchun ta\u2019sirchan vositalar kerakligini ta\u2019kidladi.<\/span><\/p>\n

– Mintaqaviy integratsiyani chuqurlashtirish va uzoq muddatli sheriklik kun tartibini boyitish uchun Maslahat uchrashuvi formatini yanada takomillashtirish masalalarini birgalikda ko\u2018rib chiqish vaqti keldi,<\/em>\u00a0– dedi O\u2018zbekiston yetakchisi.<\/span><\/p>\n

Ushbu masalalar yuzasidan konseptual tavsiya va takliflar ishlab chiqish uchun Markaziy Osiyo ekspert forumining navbatdagi yig\u2018ilishini mamlakatimizda o\u2018tkazish taklif etildi.<\/span><\/p>\n

Dunyodagi hozirgi vaziyatga to\u2018xtalib, O\u2018zbekiston Prezidenti Markaziy Osiyo o\u2018zining geosiyosiy joylashuvi tufayli global ishonch inqirozi va mojarolar keskinlashuvining barcha salbiy oqibatlarini boshidan kechirayotganini qayd etdi.<\/span><\/p>\n

An\u2019anaviy savdo-transport zanjirlari buzildi, mintaqa mamlakatlari sanksiya siyosatining asiriga aylandi, logistika xarajatlari sezilarli darajada oshdi, inflyatsiya bosimi kuchaymoqda, jahon kapital bozoridagi imkoniyatlar qisqarmoqda, proteksionizm kuchaymoqda va yangi-yangi to\u2018siqlar paydo bo\u2018lmoqda.<\/span><\/p>\n

Bundan tashqari, Afg\u2018onistondagi vaziyatning rivojlanishi bilan bog\u2018liq masalalar xalqaro kun tartibida ikkinchi darajaga tushib qoldi.<\/span><\/p>\n

Markaziy Osiyo mamlakatlarining farovonligi ko\u2018p jihatdan umumiy sa\u2019y-harakatlarga, yaqindan hamkorlik qilish, qat\u2019iy choralar ko\u2018rish va mintaqa manfaatlarini birgalikda ilgari surishga tayyorlikka bog\u2018liq. Shu munosabat bilan strategik hujjat – Mintaqaviy xavfsizlik va barqarorlikni ta\u2019minlash konsepsiyasini ishlab chiqish taklif etildi.<\/span><\/p>\n

Global jarayonlarning Markaziy Osiyoning barqaror rivojlanishiga ta\u2019siri tahlilidan kelib chiqib, O\u2018zbekiston Prezidenti mintaqada amaliy hamkorlikning qator ustuvor yo\u2018nalishlarini belgilab berdi.<\/span><\/p>\n

Birinchi navbatda, uzoq muddatli istiqbolga mo\u2018ljallangan iqtisodiy sheriklikni rivojlantirishning yangi drayverlari va modeli zarurligi ta\u2019kidlandi.<\/span><\/p>\n

– Mamlakatlarimiz tabiiy savdo sheriklari bo\u2018lib, milliy iqtisodiyotlarimiz bir-birini to\u2018ldiradi,<\/em>\u00a0– dedi Shavkat Mirziyoyev.<\/span><\/p>\n

Shu bilan birga, bugungi kunda mamlakatlarimiz umumiy tovar aylanmasida mintaqaviy savdoning ulushi kichik. Mintaqada to\u2018laqonli erkin savdo hududini shakllantirish yo\u2018lidagi to\u2018siqlar saqlanib qolmoqda.<\/span><\/p>\n

Tahlillarga ko\u2018ra, birinchi navbatdagi chora-tadbirlarni amalga oshirish yaqin besh yilda o\u2018zaro savdo hajmini ikki barobar oshirish imkonini berishi ta\u2019kidlandi.<\/span><\/p>\n

Tarif va notarif to\u2018siqlarni bartaraf etish, muvofiqlik sertifikatlarini o\u2018zaro tan olish va reglamentlarni unifikatsiya qilish, bojxona operatsiyalari va fitosanitariya tartib-taomillarini raqamlashtirish, davlat xaridlaridan foydalanishni o\u2018zaro yengillashtirish imkoniyatlarini ko\u2018rib chiqish shular jumlasidan.<\/span><\/p>\n

Yagona mintaqaviy bozorni shakllantirish uzoq muddatli istiqbolga mo\u2018ljallangan strategik maqsad bo\u2018lishi kerak.<\/span><\/p>\n

Davlatimiz rahbari bu masalalarning barchasini ko\u2018rib chiqish uchun Iqtisodiy kengash – Bosh vazir o\u2018rinbosarlari darajasida muntazam uchrashuvlarni yo\u2018lga qo\u2018yish taklifini bildirdi.<\/span><\/p>\n

O\u2018zbekiston kelgusi yilda ushbu uchrashuvning birinchisini qabul qilishga hamda uning doirasida Hududlar forumi va tarmoq konferensiyalari, sanoat salohiyati ko\u2018rgazma-yarmarkasi, eksport imkoniyatlari taqdimotlarini tashkil etgan holda Markaziy Osiyo biznes hamkorligi haftaligini o\u2018tkazishga tayyor.<\/span><\/p>\n

Sanoat kooperatsiyasini rag\u2018batlantirish masalalariga alohida e\u2019tibor qaratildi. Bu borada muvaffaqiyatli misollar mavjud. Xususan, chegaraoldi hamkorlikka doir maxsus hududlar, zamonaviy avtomobillar, maishiy elektronika, farmatsevtika mahsulotlari ishlab chiqarish loyihalari, agrar va to\u2018qimachilik klasterlari, logistika markazlari va infratuzilma obyektlari mavjud.<\/span><\/p>\n

– Biz kuchlarimizni birlashtirib, qisqa qo\u2018shilgan qiymat zanjirlarini yaratish, yetakchi xalqaro kompaniyalardan investitsiya va texnologiyalarni jalb qilish, kooperatsiyaning yangi shakllarini joriy etish orqali mintaqani sanoatlashtirishning yagona xaritasini shakllantirishga erisha olamiz,<\/em>\u00a0– dedi davlatimiz rahbari.<\/span><\/p>\n

Bu borada vazirlar darajasida Kengash ta\u2019sis etish va dasturiy hujjat tayyorlash taklif etildi.<\/span><\/p>\n

Shuningdek, Markaziy Osiyo investitsiya kengashi, Innovatsion rivojlanish bankini ta\u2019sis etish, qo\u2018shma investitsiya forumlarini muntazam o\u2018tkazib borish masalalari ham istiqbolli ekani ta\u2019kidlandi.<\/span><\/p>\n

Mintaqaviy transport-kommunikatsiya tarmog\u2018ini rivojlantirish hamkorlikning yana bir ustuvor yo\u2018nalishi sifatida qayd etildi. Mintaqaning geografik xususiyatlaridan kelib chiqib, tashqi savdo yuklarini tashish xarajatlarining ulushi tovarlar yakuniy qiymatining 50 foizigacha yetayotgani, bu esa jahon o\u2018rtacha ko\u2018rsatkichidan to\u2018rt-besh barobar yuqori ekaniga e\u2019tibor qaratildi.<\/span><\/p>\n

Shu munosabat bilan kelishilgan tarif siyosatini shakllantirish va o\u2018tkazish, milliy tashuvchilarni qo\u2018llab-quvvatlash uchun imtiyoz va preferensiyalarni qo\u2018llash, transport tarmog\u2018i va infratuzilmasini modernizatsiya qilish, chegara punktlarining o\u2018tkazish qobiliyatini oshirish, transport sohasini raqamlashtirish masalalari tizimli yondashuvni talab qiladi.<\/span><\/p>\n

Oziq-ovqat xavfsizligini ta\u2019minlash borasidagi ishlarni muvofiqlashtirib borish zarurligi ta\u2019kidlandi. BMTning Oziq-ovqat va qishloq xo\u2018jaligi tashkiloti ekspertlarining hisob-kitoblariga ko\u2018ra, Markaziy Osiyo mamlakatlari nafaqat asosiy oziq-ovqat mahsulotlariga bo\u2018lgan ehtiyojlarini qondirishi, balki xalqaro bozorda mustahkam o\u2018rin egallashi mumkin.<\/span><\/p>\n

Buning uchun qishloq xo\u2018jaligida ishlab chiqarish va suvni tejashning innovatsion texnologiyalarini joriy etish, hosildorlikni oshirish, chuqur qayta ishlashni rivojlantirish, seleksiya sohasidagi ilmiy ishlarni kuchaytirish, klaster va \u2018\u2018aqlli\u2019\u2019 fermer xo\u2018jaliklarini tashkil etish muhimligi ta\u2019kidlandi.<\/span><\/p>\n

Ushbu sohadagi Mintaqaviy strategiyani ishlab chiqish maqsadida joriy yil sentyabr oyida Toshkent shahrida bo\u2018lib o\u2018tadigan Dengizga chiqish imkoniga ega bo\u2018lmagan mamlakatlarning oziq-ovqat xavfsizligini ta\u2019minlash bo\u2018yicha xalqaro forum doirasida mintaqa qishloq xo\u2018jaligi vazirlarining uchrashuvini o\u2018tkazish taklif etildi.<\/span><\/p>\n

Davlatimiz rahbari iqlim o\u2018zgarishi muammolariga alohida e\u2019tibor qaratdi. Harorat ko\u2018tarilishi, muzliklar erishi, toshqinlar, qurg\u2018oqchiliklar, chang bo\u2018ronlari va boshqa ko\u2018plab tabiat hodisalari jiddiy talafotlar yetkazishda davom etmoqda.<\/span><\/p>\n

– Joriy yilning noyabr oyida Ozarbayjonda bo\u2018lib o\u2018tadigan Iqlim sammiti davomida mamlakatlarimiz yagona pozitsiya bilan chiqishlari mumkin. Bu o\u2018rinda so\u2018z xalqaro jamoatchilik, fondlar va donorlik tashkilotlari e\u2019tiborini ushbu o\u2018tkir muammolar, jumladan, Orol fojiasiga yechim topishga qaratish maqsadida mintaqadagi ekologik vaziyat haqida qo\u2018shma taqdimot o\u2018tkazish haqida ketmoqda,<\/em>\u00a0– dedi Shavkat Mirziyoyev.<\/span><\/p>\n

Shuningdek, Markaziy Osiyoni barqaror rivojlantirish bo\u2018yicha kompleks dastur va Transchegaraviy daryolar suv resurslaridan oqilona foydalanish bo\u2018yicha mintaqaviy strategiyani ishlab chiqish va qabul qilish taklif etildi.<\/span><\/p>\n

Energetika sohasidagi hamkorlik mintaqa mamlakatlari hamkorligining asosiy yo\u2018nalishi sifatida qayd etildi. Bugungi kunda mintaqaviy miqyosda elektr energiyasi ishlab chiqarishni ko\u2018paytirish va uni uchinchi mamlakatlarga eksport qilish bo\u2018yicha qator strategik loyihalar ishlab chiqilmoqda.<\/span><\/p>\n

Bundan tashqari, atom energetikasini rivojlantirish, uglevodorodlar yetkazib berishni ko\u2018paytirish rejalari ham bor.<\/span><\/p>\n

O\u2018zbekiston Prezidenti mintaqa mamlakatlari parlamentlari o\u2018rtasidagi samarali almashinuvlarni rivojlantirishga yuqori baho berdi va buni har tomonlama qo\u2018llab-quvvatlashini bildirdi. Shu munosabat bilan navbatdagi Parlamentlararo forumni kelgusi oyda Xiva shahrida o\u2018tkazishni taklif qildi.<\/span><\/p>\n

Gumanitar sohadagi hamkorlik masalalariga to\u2018xtalar ekan, davlatimiz rahbari \u201cmadaniy-tarixiy merosning umumiyligini hisobga olgan holda, xalqlarimizning mintaqa kelajagi uchun daxldorligi, birdamligi, umumiy mas\u2019uliyatni anglashini kuchaytirishga katta e\u2019tibor berish\u00a0lozim»ligini ta\u2019kidladi.<\/span><\/p>\n

\u2018\u2018Markaziy Osiyo tarixi va madaniyati: yagona o\u2018tmish va umumiy kelajak\u2019\u2019 xalqaro media platformasining tez fursatda ishga tushirilishi bu borada muhim amaliy qadam bo\u2018ladi.<\/span><\/p>\n

Mintaqa xalqlarining o\u2018zaro bir-birini tushunishi va birdamligini yanada mustahkamlash maqsadida mintaqaviy o\u2018ziga xoslikni shakllantirishning amaliy jihatlariga bag\u2018ishlangan ilmiy forum o\u2018tkazish taklif etildi.<\/span><\/p>\n

Innovatsion g\u2018oyalar va loyihalar mintaqaviy tanlovining muntazam o\u2018tkazilishi \u2018\u2018Markaziy Osiyo yoshlari kun tartibi – 2030\u2019\u2019ni ilgari surish va yosh avlodni hamkorlik dasturlariga jalb etishga xizmat qilishi ta\u2019kidlandi.<\/span><\/p>\n

O\u2018zbekiston Prezidenti ta\u2019lim sohasidagi hamkorlikni rivojlantirish bo\u2018yicha qator tashabbuslarni ilgari surdi. Markaziy Osiyo ta\u2019lim va akademik almashuv dasturini qabul qilish va yetakchi oliy o\u2018quv yurtlarining diplomlarini o\u2018zaro tan olish to\u2018g\u2018risidagi bitimni ishlab chiqish, iqtidorli talabalari o\u2018qishi uchun o\u2018zaro kelishuvlar asosida stipendiyalar ajratish muhimligi qayd etildi.<\/span><\/p>\n

Ushbu masalalarni atroflicha muhokama qilish uchun oktyabr oyida Toshkent shahrida birinchi Markaziy Osiyo ta\u2019lim forumi o\u2018tkazilishi rejalashtirilgan.<\/span><\/p>\n

Mintaqaviy sheriklikning yangi drayveri sifatida turizm sohasi belgilandi. Turizm almashinuvini kengaytirish maqsadida milliy ID-kartalarni o\u2018zaro tan olish masalasini o\u2018rganish va \u2018\u2018bitta tur – butun mintaqa\u2019\u2019 tamoyili asosida ommaviy turizm mahsulotlarini ishlab chiqish taklif etildi.<\/span><\/p>\n

So\u2018zining yakunida Prezidentimiz Mintaqaviy hamkorlikni rivojlantirishning 2040-yilgacha mo\u2018ljallangan konsepsiyasi qabul qilinishini qo\u2018llab-quvvatladi hamda Markaziy Osiyoda strategik sheriklik va hamkorlik to\u2018g\u2018risidagi ko\u2018p tomonlama bitimni tayyorlashni taklif qildi.<\/span><\/p>\n

O\u2018zbekiston rahbari ushbu uchrashuvning samarali natijalari Markaziy Osiyoda do\u2018stlik va yaxshi qo\u2018shnichilik munosabatlari yanada mustahkamlanishiga, mintaqa xalqlari farovonligi yo\u2018lida amaliy hamkorlikni kengaytirishga xizmat qilishiga ishonch bildirdi.<\/span><\/p>\n

Prezidentimiz Markaziy Osiyo davlatlari rahbarlarini kelgusi yilda bo\u2018lib o\u2018tadigan\u00a0yettinchi sammitda ishtirok etish uchun O\u2018zbekistonga taklif qildi.<\/span><\/p>","protected":false},"excerpt":{"rendered":"

O\u2018zbekiston Respublikasi Prezidenti Shavkat Mirziyoyev 9-avgust kuni Ostona shahrida Markaziy Osiyo davlatlari rahbarlarining oltinchi Maslahat uchrashuvida ishtirok etdi, deb xabar beradi davlatimiz rahbari matbuot xizmati. Qozog\u2018iston Respublikasi Prezidenti Qasim-Jomart Toqayev…<\/p>\n","protected":false},"author":1,"featured_media":12852,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[3],"tags":[],"class_list":["post-12851","post","type-post","status-publish","format-standard","has-post-thumbnail","hentry","category-novosti-uzbekistana"],"acf":[],"aioseo_notices":[],"_links":{"self":[{"href":"https:\/\/invest-in-uzbekistan.org\/uz\/wp-json\/wp\/v2\/posts\/12851","targetHints":{"allow":["GET"]}}],"collection":[{"href":"https:\/\/invest-in-uzbekistan.org\/uz\/wp-json\/wp\/v2\/posts"}],"about":[{"href":"https:\/\/invest-in-uzbekistan.org\/uz\/wp-json\/wp\/v2\/types\/post"}],"author":[{"embeddable":true,"href":"https:\/\/invest-in-uzbekistan.org\/uz\/wp-json\/wp\/v2\/users\/1"}],"replies":[{"embeddable":true,"href":"https:\/\/invest-in-uzbekistan.org\/uz\/wp-json\/wp\/v2\/comments?post=12851"}],"version-history":[{"count":1,"href":"https:\/\/invest-in-uzbekistan.org\/uz\/wp-json\/wp\/v2\/posts\/12851\/revisions"}],"predecessor-version":[{"id":12853,"href":"https:\/\/invest-in-uzbekistan.org\/uz\/wp-json\/wp\/v2\/posts\/12851\/revisions\/12853"}],"wp:featuredmedia":[{"embeddable":true,"href":"https:\/\/invest-in-uzbekistan.org\/uz\/wp-json\/wp\/v2\/media\/12852"}],"wp:attachment":[{"href":"https:\/\/invest-in-uzbekistan.org\/uz\/wp-json\/wp\/v2\/media?parent=12851"}],"wp:term":[{"taxonomy":"category","embeddable":true,"href":"https:\/\/invest-in-uzbekistan.org\/uz\/wp-json\/wp\/v2\/categories?post=12851"},{"taxonomy":"post_tag","embeddable":true,"href":"https:\/\/invest-in-uzbekistan.org\/uz\/wp-json\/wp\/v2\/tags?post=12851"}],"curies":[{"name":"wp","href":"https:\/\/api.w.org\/{rel}","templated":true}]}}