{"id":13547,"date":"2024-11-01T13:38:06","date_gmt":"2024-11-01T08:38:06","guid":{"rendered":"https:\/\/invest-in-uzbekistan.org\/?p=13547"},"modified":"2024-11-01T13:38:06","modified_gmt":"2024-11-01T08:38:06","slug":"prezident-oznakomilsya-s-deyatelnostyu-sovmestnogo-predpriyatiya-v-himicheskoj-otrasli","status":"publish","type":"post","link":"https:\/\/invest-in-uzbekistan.org\/uz\/novosti-uzbekistana\/prezident-oznakomilsya-s-deyatelnostyu-sovmestnogo-predpriyatiya-v-himicheskoj-otrasli\/","title":{"rendered":"Prezident kimyo sohasidagi qo\u2018shma korxona faoliyati bilan tanishdi"},"content":{"rendered":"

O\u2018zbekiston Respublikasi Prezidenti Shavkat Mirziyoyev 31-oktabr kuni Navoiy viloyatiga tashrif buyurdi, deb xabar bermoqda<\/a> davlatimiz rahbari matbuot xizmati.<\/strong><\/span><\/p>\n

Bu hudud rivojlangan industriyasi bilan mamlakatimiz iqtisodiyotida katta o\u2018rin tutadi. Iqtisodiy va investitsiyaviy imkoniyatlar tufayli so\u2018nggi yillarda yangi korxonalar ko\u2018payib bormoqda.<\/span><\/p>\n

Davlatimiz rahbari Navoiy shahridagi \u201cUzbekistan hydrogen peroxide\u201d qo\u2018shma korxonasi faoliyati bilan tanishdi.<\/span><\/p>\n

Viloyatdagi korxonalarga vodorod peroksidi doim zarur. Umuman, yurtimiz sanoat tarmoqlarida bu kimyoviy birikmaga yillik talab o\u2018rtacha 15 ming tonnadan ziyod. Joriy yilda o\u2018z faoliyatini boshlagan \u201cUzbekistan hydrogen peroxide\u201d qo\u2018shma korxonasida shunday talabgir mahsulot ishlab chiqariladi.<\/span><\/p>\n

Qiymati qariyb 30 million dollar bo\u2018lgan loyiha doirasida zavod qurilib, Xitoy, Hindiston, Turkiya, Germaniya, Italiya va Shvetsiyadan zamonaviy uskunalar keltirilib o\u2018rnatildi. 80 ga yaqin kishi ish bilan ta\u2019minlandi. Korxona yiliga 30 ming tonna vodorod peroksidi ishlab chiqarish quvvatiga ega.\u00a0<\/span><\/p>\n

Bu birikmadan kimyo, metallurgiya, elektr texnikasi, farmatsevtika, to\u2018qimachilik, oziq-ovqat, qishloq xo\u2018jaligi kabi o\u2018nga yaqin tarmoqda foydalaniladi. Jumladan, qog\u2018oz, maishiy va kimyoviy vositalar ishlab chiqarish, uran va kobalt mahsulotlari qazib olishda faol qo\u2018llaniladi. Qadoqlarni tozalovchi, sun\u2019iy va sintetik tolalarni oqartiruvchi vosita sifatida ishlatiladi.<\/span><\/p>\n

Asosiysi, iqtisodiy samaradorlik yuqori. Bu yerda tabiiy gaz chuqur qayta ishlanib, bozorbop mahsulotga aylantiriladi. Misol uchun, 60 foizli vodorod peroksidi tibbiyotda uch barobar, maishiy kimyo vositalarida ikki barobar qo\u2018shilgan qiymat yaratadi.<\/span><\/p>\n

Korxona laboratoriyasiga ham eng so\u2018nggi rusumdagi jihozlar o\u2018rnatilgan. Unda har soatda tahlil o\u2018tkaziladi. Bu mahsulot sifatini doimiy nazorat qilishda muhim ahamiyat kasb etadi.<\/span><\/p>\n

Davlatimiz rahbari korxonadagi ish jarayonini ko\u2018zdan kechirdi, mutaxassislar bilan suhbatlashdi.<\/span><\/p>\n

– Har bir loyihadan maqsad – yuqori daromad, qo\u2018shilgan qiymat. Bu korxona shu jihatdan ma\u2019qul. Endi ishlab chiqarish barqarorligi, xaridorlar ishonchi uchun buni kafolatlangan xomashyo bilan ta\u2019minlash kerak. Mahalliylashtirish dasturi asosida qulay shartlarda kredit ajratish ham mumkin,<\/em>\u00a0– dedi Shavkat Mirziyoyev.<\/span><\/p>\n

Mutasaddilarga bu korxona misolida shunday loyihalarni ko\u2018paytirish, tadbirkorlarni qo\u2018llab-quvvatlash bo\u2018yicha topshiriqlar berildi.<\/span><\/p>\n

Vodorod peroksidi shu paytgacha O\u2018zbekistonga katta xarajatlar bilan faqat chet eldan olib kelinar edi. Endi esa mahalliy mahsulot ichki ehtiyojni to\u2018liq qoplab, import o\u2018rnini to\u2018ldiradi. Shu bilan birga, yaqin minataqada bunday korxona yo\u2018q. Shu bois mahsulot MDH va Yevropa mamlakatlariga ham yetkazib berilmoqda. Qisqa vaqtda qariyb 1,5 million dollarlik eksport qilingan. Korxonaning yillik eksport salohiyati 10 million dollar.<\/span><\/p>\n

Bu suyuq kimyoviy mahsulotlarni saqlash va yetkazib berish uchun shu yerning o\u2018zida plastik quyma idishlar tayyorlash yo\u2018lga qo\u2018yilgan. Korxonani muqobil energiya bilan ta\u2019minlash maqsadida quvvati 27 kilovatt bo\u2018lgan quyosh panellari o\u2018rnatilgan.<\/span><\/p>\n

Yana bir e\u2019tiborli jihati, ilgari mamlakatimiz kimyo sohasida xususiy sektor bo\u2018lmagan. Bu korxona so\u2018nggi yillarda sohaga kirib kelgan tadbirkorlik subyektlaridan biri.<\/span><\/p>\n

Shu yerda korxona faoliyatini yanada kengaytirishga qaratilgan loyihalar haqida ham ma\u2019lumot berildi. Xususan, Turkiyaning \u201cOrbak Metal Industry\u201d kompaniyasi bilan gidrogen peroksidi ishlab chiqarish quvvatini 45 ming tonnaga oshirish, shuningdek, tutash hududda oziq-ovqat sanoati loyihasini tashkil etish rejalashtirilgan.<\/span><\/p>","protected":false},"excerpt":{"rendered":"