{"id":16881,"date":"2026-07-06T15:46:23","date_gmt":"2026-07-06T10:46:23","guid":{"rendered":"https:\/\/invest-in-uzbekistan.org\/?p=16881"},"modified":"2026-07-06T15:10:23","modified_gmt":"2026-07-06T10:10:23","slug":"obsuzhdeny-voprosy-razvitiya-goroda-tashkenta-i-sergelijskogo-rajona-a-takzhe-sozdaniya-bezopasnoj-sredy-v-mahallyah","status":"publish","type":"post","link":"https:\/\/invest-in-uzbekistan.org\/uz\/novosti-uzbekistana\/obsuzhdeny-voprosy-razvitiya-goroda-tashkenta-i-sergelijskogo-rajona-a-takzhe-sozdaniya-bezopasnoj-sredy-v-mahallyah\/","title":{"rendered":"Toshkent shahri va Sergeli tumanini rivojlantirish hamda mahallalarda xavfsiz muhit yaratish masalalari muhokama qilindi"},"content":{"rendered":"<strong>Prezident Shavkat Mirziyoyev raisligida Toshkent shahri, xususan, Sergeli tumanini ijtimoiy-iqtisodiy rivojlantirish va mahallalarda xavfsiz muhit yaratish masalalari yuzasidan videoselektor yig\u02bbilishi bo\u02bblib o\u02bbtdi, deb <a href=\"https:\/\/president.uz\/oz\/lists\/view\/9385\">xabar bermoqda<\/a> davlatimiz rahbari matbuot xizmati.<\/strong><\/p>\n<p><a href=\"http:\/\/invest-in-uzbekistan.org\/wp-content\/uploads\/6ab4eafa-4a03-9056-e2c9-a207f5e32b45_lists_slider_.jpeg\"><img loading=\"lazy\" decoding=\"async\" class=\"aligncenter size-full wp-image-16882\" src=\"http:\/\/invest-in-uzbekistan.org\/wp-content\/uploads\/6ab4eafa-4a03-9056-e2c9-a207f5e32b45_lists_slider_.jpeg\" alt=\"\" width=\"1900\" height=\"1266\" srcset=\"https:\/\/invest-in-uzbekistan.org\/wp-content\/uploads\/6ab4eafa-4a03-9056-e2c9-a207f5e32b45_lists_slider_.jpeg 1900w, https:\/\/invest-in-uzbekistan.org\/wp-content\/uploads\/6ab4eafa-4a03-9056-e2c9-a207f5e32b45_lists_slider_-300x200.jpeg 300w, https:\/\/invest-in-uzbekistan.org\/wp-content\/uploads\/6ab4eafa-4a03-9056-e2c9-a207f5e32b45_lists_slider_-1024x682.jpeg 1024w, https:\/\/invest-in-uzbekistan.org\/wp-content\/uploads\/6ab4eafa-4a03-9056-e2c9-a207f5e32b45_lists_slider_-768x512.jpeg 768w, https:\/\/invest-in-uzbekistan.org\/wp-content\/uploads\/6ab4eafa-4a03-9056-e2c9-a207f5e32b45_lists_slider_-1536x1023.jpeg 1536w, https:\/\/invest-in-uzbekistan.org\/wp-content\/uploads\/6ab4eafa-4a03-9056-e2c9-a207f5e32b45_lists_slider_-254x169.jpeg 254w\" sizes=\"auto, (max-width: 1900px) 100vw, 1900px\" \/><\/a><\/p>\n<p>Davlatimiz rahbari so\u02bbnggi yillarda Sergeli tumanida katta o\u02bbzgarishlar amalga oshganini ta\u02bckidladi. Yaqin-yaqingacha poytaxtning chekka hududi hisoblangan Sergelida aholi ishlash, daromad topish, dam olish va tibbiy xizmatlardan foydalanish uchun asosan shahar markaziga borishga majbur edi.<\/p>\n<p>Bugun esa tumanda muhit va odamlarning yashash tarzi tubdan o\u02bbzgardi. So\u02bbnggi o\u02bbn yilda bu yerda 30 ming xonadonli yangi uy-joylar, umumiy maydoni 2 million kvadrat metr bo\u02bblgan sanoat, savdo va servis obyektlari barpo qilindi.<\/p>\n<p>Tadbirkorlar soni 2,5 mingtadan 6 ming 200 taga ko\u02bbpaydi. Tumanda shakllangan budjet tushumlari 382 milliard so\u02bbmdan 2 trillion 200 milliard so\u02bbmga, ya\u02bcni 5,5 barobar oshdi. Aholi uchun 5 ta yirik dam olish maskani va istirohat bog\u02bblari ishga tushirildi.<\/p>\n<p>Toshkent viloyatidan o\u02bbtgan 13 ta mahalla hisobidan Sergeli tumani hududi 1 ming 800 gektarga kengayib, jami 5,6 ming gektarga yetdi. Tumanni boshqa hududlar va shahar markazi bilan bog\u02bblaydigan 9 kilometrlik yo\u02bbl, 8 ta stansiyadan iborat yangi metro liniyasi bunyod etildi.<\/p>\n<p>Maktab o\u02bbrinlari 25 mingdan 38,5 mingga, bog\u02bbcha o\u02bbrinlari 7,5 mingdan 15,5 mingga ko\u02bbpaydi. 50 ta davlat va xususiy klinika ochildi.<\/p>\n<p>Shu bilan birga, transport, yo\u02bbl, elektr, suv va kanalizatsiya kabi infratuzilma tarmoqlarini yaxshilash bo\u02bbyicha yechimini kutayotgan masalalar hali ko\u02bbpligi ta\u02bckidlandi.<\/p>\n<p>Aholini xatlovdan o\u02bbtkazish bo\u02bbyicha dastlabki natijalar Sergeli tumanidagi real vaziyatni aniq ko\u02bbrsatdi. Ilgari tuman aholisi 181 ming nafar deb yuritilgan bo\u02bblsa, xatlov natijasiga ko\u02bbra, hududda aslida 236 mingga yaqin aholi yashayotgani ma\u02bclum bo\u02bbldi. Yaqin yillarda Sergeli aholisi 300 ming nafardan ortishi kutilmoqda.<\/p>\n<p><a href=\"http:\/\/invest-in-uzbekistan.org\/wp-content\/uploads\/2760fb1f-e9e3-160d-cac2-e0bd891d4c96_lists_slider_.jpeg\"><img loading=\"lazy\" decoding=\"async\" class=\"aligncenter size-full wp-image-16883\" src=\"http:\/\/invest-in-uzbekistan.org\/wp-content\/uploads\/2760fb1f-e9e3-160d-cac2-e0bd891d4c96_lists_slider_.jpeg\" alt=\"\" width=\"1900\" height=\"1266\" srcset=\"https:\/\/invest-in-uzbekistan.org\/wp-content\/uploads\/2760fb1f-e9e3-160d-cac2-e0bd891d4c96_lists_slider_.jpeg 1900w, https:\/\/invest-in-uzbekistan.org\/wp-content\/uploads\/2760fb1f-e9e3-160d-cac2-e0bd891d4c96_lists_slider_-300x200.jpeg 300w, https:\/\/invest-in-uzbekistan.org\/wp-content\/uploads\/2760fb1f-e9e3-160d-cac2-e0bd891d4c96_lists_slider_-1024x682.jpeg 1024w, https:\/\/invest-in-uzbekistan.org\/wp-content\/uploads\/2760fb1f-e9e3-160d-cac2-e0bd891d4c96_lists_slider_-768x512.jpeg 768w, https:\/\/invest-in-uzbekistan.org\/wp-content\/uploads\/2760fb1f-e9e3-160d-cac2-e0bd891d4c96_lists_slider_-1536x1023.jpeg 1536w, https:\/\/invest-in-uzbekistan.org\/wp-content\/uploads\/2760fb1f-e9e3-160d-cac2-e0bd891d4c96_lists_slider_-254x169.jpeg 254w\" sizes=\"auto, (max-width: 1900px) 100vw, 1900px\" \/><\/a><\/p>\n<p>Shu bois, rahbarlarda uy-joy, bog\u02bbcha, maktab, poliklinika va ish o\u02bbrinlarini aholi o\u02bbsishiga mos ravishda ko\u02bbpaytirish bo\u02bbyicha hozirdan aniq reja va dastur bo\u02bblishi zarurligi bildirildi.<\/p>\n<p>Bu yil Sergelini rivojlantirish uchun budjetdan 173 milliard so\u02bbm, banklar orqali 2 trillion 200 milliard so\u02bbm resurs ajratilgan. Tuman hokimi va mutasaddilarga ushbu mablag\u02bblarni samarali ishlatib, qo\u02bbshilgan qiymatni 2-3 karra oshirish bo\u02bbyicha rejalarni amalga oshirish vazifasi qo\u02bbyildi.<\/p>\n<p>Joriy yilda poytaxt tumanlari jami 9 milliard dollarlik investitsiyaviy loyihalarni amalga oshirishi belgilangan. Sergelining o\u02bbziga o\u02bbtgan besh oyda 236 million dollar investitsiya kiritildi. Yil yakunigacha 60 ta loyihani boshlash hisobidan yana 750 million dollar investitsiya jalb qilish rejalashtirilgan.<\/p>\n<p>Poytaxt sharoitida sanoat loyihalarini joylashtirishda yer masalasi eng katta muammo ekani ko\u02bbrsatib o\u02bbtildi. Shu bois, \u201cYangi avlod\u201d sanoat zonasidan poytaxtning 12 ta tumaniga joy ajratish hamda investitsiya, sanoat, ish o\u02bbrni, eksport va budjet tushumi ko\u02bbrsatkichlarini loyiha qilgan tumanning o\u02bbziga yozish tizimini joriy etish topshirildi.<\/p>\n<p>Yig\u02bbilishda yer ustidan o\u02bbtgan metro yo\u02bbnalishi ostida savdo va servis obyektlarini tashkil etish tajribasi ham ko\u02bbrib chiqildi. Bunda davlat yerdan foydalanish huquqini auksionga chiqarib, loyiha va infratuzilmasini tayyorlab beradi, qolganini tadbirkorlar amalga oshiradi.<\/p>\n<p>Sergelida metro liniyasining yana 8,5 kilometr qismida shunday ishlar yakuniga yetkazilsa, 137 ta savdo-servis obyekti, 1-1,5 mingta ish o\u02bbrni yaratiladi, tuman budjetiga 20-25 milliard so\u02bbm qo\u02bbshimcha tushum tushadi.<\/p>\n<p>Umuman, yer usti metro liniyasining Yashnobod, Sergeli va Yangihayot tumanlaridan o\u02bbtgan 23 kilometr hududida bunday loyihalar amalga oshirilsa, yana 400 ta tadbirkor biznes boshlab, 3 mingta ish o\u02bbrni yaratishi mumkin.<\/p>\n<p>Yerlarni qurilishga ruxsat, arxitektura-rejalashtirish topshirig\u02bbi va loyihasi bilan birga tayyor paket shaklida auksionga chiqarish bo\u02bbyicha Sergelida yangi tajriba boshlandi. Davlatimiz rahbari mazkur tajribani nafaqat yer uchastkalari, balki sotuvga qo\u02bbyilayotgan davlat obyektlari va sanoat zonalariga ham tatbiq etish zarurligini ta\u02bckidladi.<\/p>\n<p>Toshkent viloyati hududidan olti yil oldin Sergeliga qo\u02bbshilgan 13 ta mahallada 14,5 ming xonadon bor, ularda 50 mingdan ortiq aholi yashaydi. Lekin bu hududlar aholisi haligacha shahar muhitini to\u02bbliq his qilgani yo\u02bbq.<\/p>\n<p>Mazkur mahallalarda yoritish uchun 629 ta temir-beton ustun o\u02bbrnatilib, kabel tortilgan. Ammo tizim hali ishga tushmagani tanqid qilindi. Mutasaddilarga o\u02bbn kun muddatda ushbu masalani hal qilish topshirildi. Shuningdek, yil yakunigacha ushbu mahallalarni kanalizatsiya tarmog\u02bbiga to\u02bbliq ulash vazifasi qo\u02bbyildi.<\/p>\n<p>Sergeli tumanida aholi va tadbirkorlarning soni oshgani sababli elektr energiyasiga yillik talab besh yilda 40 foizga ko\u02bbpaydi. Ayrim mahallalarda elektr kuchlanishi me\u02bcyordan 1,5-2 barobar pastligi qayd etildi.<\/p>\n<p>\u201cShaharoldi\u201d, \u201cO\u02bbzgarish\u201d va \u201cQumariq\u201d nimstansiyalarini ishga tushirish uchun jami 107 milliard so\u02bbm ajratilgan. Mutasaddilarga ushbu obyektlarni aniq muddatlarda ishga tushirish va aholiga kafolatli elektr ta\u02bcminotini yo\u02bblga qo\u02bbyish vazifasi qo\u02bbyildi.<\/p>\n<p>Umuman, poytaxtning Bektemir, Mirzo Ulug\u02bbbek, Sergeli, Yashnobod va Yangihayot tumanlariga o\u02bbtgan 46 ta mahallada elektr, suv, kanalizatsiya va yo\u02bbl bo\u02bbyicha birorta hal etilmagan masala qolmasligi kerakligi ta\u02bckidlandi.<\/p>\n<p>Sergeli va Yangihayot tumanlari aholisini qiynab kelayotgan yana bir masala \u2013 suv tozalash inshooti atrofidagi badbo\u02bby hiddir. Mutasaddilarga 1-sentabrgacha oqova suv qabul qilish inshootiga zamonaviy filtrlash uskunalarini o\u02bbrnatib, mazkur muammoni bartaraf etish topshirildi.<\/p>\n<p>Kelgusi yildan Birlashgan Arab Amirliklaridagi hamkorlar bilan Quyi Chirchiq tumanida quvvati 300 ming kub metr bo\u02bblgan zamonaviy suv tozalash inshooti qurilishi boshlanadi. Buning hisobidan Sergelidagi suv tozalash inshootiga yuklama keskin kamayadi.<\/p>\n<p>Joriy yil aholiga qulaylik yaratish maqsadida Sergelining asosiy 23 kilometr yo\u02bblida harakat xavfsizligi qayta ko\u02bbrib chiqilmoqda. Chorrahalarga 455 ta \u201caqlli\u201d svetofor o\u02bbrnatiladi, 150 ta avtobus bekati yangilanib, 10 ming o\u02bbrinli avtoturargoh tashkil qilinadi.<\/p>\n<p>Kelasi yil Yangi Sergeli ko\u02bbchasida avtobuslar uchun 5,5 kilometrlik BRT yo\u02bblak qurish rejalashtirilgan. Bu yo\u02bblak Shota Rustaveli ko\u02bbchasi bilan bog\u02bblanadi. Sergeli, Bektemir va Yangihayot tumanlarini poytaxtning boshqa hududlari bilan bog\u02bblaydigan Toshkent halqa yo\u02bblidagi yangi ko\u02bbprik qurilishini tezlashtirish zarurligi qayd etildi.<\/p>\n<p>Yil boshidan buyon Toshkent shahriga qariyb 3 million xorijlik sayyoh tashrif buyurdi. Ularning ko\u02bbpchiligi tarixiy obidalar, istirohat bog\u02bblari, bozorlar, kafe-restoranlar va turistik mahallalarga piyoda borib, xotirjam sayr qilishni istaydi.<\/p>\n<p>Buning uchun yo\u02bbl ko\u02bbrsatkichlari, qulay marshrutlar va raqamli xaritalar zarurligi qayd etildi. Mutasaddilarga avtobus bekatlari, vokzal, aeroport va metro stansiyalarida sayyohlar uchun shahar marshrutlarini ko\u02bbrsatuvchi, telefonga bepul va oson yuklab olinadigan xaritalarni joriy etish topshirildi.<\/p>\n<p>Shuningdek, poytaxt mehmonlari va sayrga chiqqan aholi uchun hojatxonalar yetishmasligi qayd etildi. Bir oy muddatda alohida dastur ishlab chiqib, shu yilning o\u02bbzida har bir tumanda 15-20 ta zamonaviy hojatxona qurish uchun yerlarni auksionga chiqarish vazifasi qo\u02bbyildi. Chiqindi qutilarini keskin ko\u02bbpaytirish bo\u02bbyicha ham choralar ko\u02bbriladi.<\/p>\n<p>Sergelidagi ayrim maktablar quvvatidan 1,5-2 karra yuqori yuklamada ishlamoqda. Yig\u02bbilishda maktablarda o\u02bbquvchi o\u02bbrnini 2 karra ko\u02bbpaytirish imkonini beradigan yangi tipdagi maktablar qurish loyihasi taklif qilindi.<\/p>\n<p>Yangi loyihaga ko\u02bbra, sport zali, oshxona va ustaxona yerto\u02bblada joylashadi, yuqori qavatlardan esa sinfxonalar sifatida foydalaniladi. Bu yil Toshkent shahrining har bir tumanida bittadan maktab va bog\u02bbchada ushbu yondashuvni joriy etib, \u201cpoytaxt tajribasi\u201dni yaratish topshirildi.<\/p>\n<p>Poytaxtda aholi va turistlar uchun salqin mikroiqlim yaratish maqsadida 12 ta sun\u02bciy ko\u02bbl barpo etish ishlari boshlanmoqda. Shundan 3 tasi Sergelida \u2013 Qo\u02bbshqo\u02bbrg\u02bbon, Sultonobod va Farog\u02bbatli mahallalarida jami 22 gektar maydonda tashkil etiladi.<\/p>\n<p>Ushbu ko\u02bbllarni poytaxt iqlimini mo\u02bbtadil saqlashga, odamlar piyoda sayr qilib, hordiq chiqarishiga xizmat qiladigan maskanlarga aylantirish vazifasi qo\u02bbyildi. Shuningdek, \u201cJo\u02bbn\u201d kanalining Sergeli va Yangihayot tumanlaridan o\u02bbtgan 5 kilometr qismini betonlashtirish boshlangani qayd etildi. Sergeli va Yangihayot tumanlari hokimlariga yil yakunigacha kanal bo\u02bbyida sayilgoh va salomatlik yo\u02bblagini tashkil etish topshirildi.<\/p>\n<p>Yig\u02bbilishda mahallalarda xavfsiz muhitni ta\u02bcminlash bo\u02bbyicha poytaxt namunasini yaratish masalasi ham ko\u02bbrib chiqildi. Poytaxt tumanlariga respublika rahbarlari biriktirilgani o\u02bbz natijasini berayotgani ta\u02bckidlandi.<\/p>\n<p>Olti oyda 230 ta mahallada jinoyat sodir etilmadi, 332 ta mahallada jinoyat keskin qisqardi. Kriminogen vaziyati tashvishli mahallalar soni 60 tadan 23 taga tushdi. Bu shaharda jamoat xavfsizligini ta\u02bcminlash bo\u02bbyicha yangi yondashuvlar samara berayotganini ko\u02bbrsatmoqda.<\/p>\n<p>Sergeli tumanida ham xavfsiz muhit yaratish bo\u02bbyicha ijobiy natijalar qayd etildi. Kriminogen vaziyati og\u02bbir deb baholangan 29 ta mahalla \u201cyashil\u201d toifaga o\u02bbtdi. 17 ta mahallada jinoyat sodir etilmadi. Sergeli bu borada Toshkent shahri tumanlari orasida eng yaxshi natijalardan birini ko\u02bbrsatdi.<\/p>\n<p>Davlatimiz rahbari O\u02bbzgarish mahallasidagi profilaktika ishlari bo\u02bbyicha tajribani ommalashtirish, tumandagi qolgan 46 ta mahallani \u201cyashil\u201d toifaga o\u02bbtkazish, yashirin iqtisodiyotni qisqartirish, yoshlar bilan ishlash bo\u02bbyicha yangi yondashuvlarni joriy etish yuzasidan mutasaddilarga topshiriqlar berdi.<\/p>\n<p>Yig\u02bbilishda hokimlar va mas\u02bcullarning axboroti tinglandi.","protected":false},"excerpt":{"rendered":"<p>Prezident Shavkat Mirziyoyev raisligida Toshkent shahri, xususan, Sergeli tumanini ijtimoiy-iqtisodiy rivojlantirish va mahallalarda xavfsiz muhit yaratish masalalari yuzasidan videoselektor yig\u02bbilishi bo\u02bblib o\u02bbtdi, deb xabar bermoqda davlatimiz rahbari matbuot xizmati. Davlatimiz&#8230;<\/p>\n","protected":false},"author":1,"featured_media":16882,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"footnotes":""},"categories":[3],"tags":[],"class_list":["post-16881","post","type-post","status-publish","format-standard","has-post-thumbnail","hentry","category-novosti-uzbekistana"],"acf":[],"aioseo_notices":[],"_links":{"self":[{"href":"https:\/\/invest-in-uzbekistan.org\/uz\/wp-json\/wp\/v2\/posts\/16881","targetHints":{"allow":["GET"]}}],"collection":[{"href":"https:\/\/invest-in-uzbekistan.org\/uz\/wp-json\/wp\/v2\/posts"}],"about":[{"href":"https:\/\/invest-in-uzbekistan.org\/uz\/wp-json\/wp\/v2\/types\/post"}],"author":[{"embeddable":true,"href":"https:\/\/invest-in-uzbekistan.org\/uz\/wp-json\/wp\/v2\/users\/1"}],"replies":[{"embeddable":true,"href":"https:\/\/invest-in-uzbekistan.org\/uz\/wp-json\/wp\/v2\/comments?post=16881"}],"version-history":[{"count":2,"href":"https:\/\/invest-in-uzbekistan.org\/uz\/wp-json\/wp\/v2\/posts\/16881\/revisions"}],"predecessor-version":[{"id":16888,"href":"https:\/\/invest-in-uzbekistan.org\/uz\/wp-json\/wp\/v2\/posts\/16881\/revisions\/16888"}],"wp:featuredmedia":[{"embeddable":true,"href":"https:\/\/invest-in-uzbekistan.org\/uz\/wp-json\/wp\/v2\/media\/16882"}],"wp:attachment":[{"href":"https:\/\/invest-in-uzbekistan.org\/uz\/wp-json\/wp\/v2\/media?parent=16881"}],"wp:term":[{"taxonomy":"category","embeddable":true,"href":"https:\/\/invest-in-uzbekistan.org\/uz\/wp-json\/wp\/v2\/categories?post=16881"},{"taxonomy":"post_tag","embeddable":true,"href":"https:\/\/invest-in-uzbekistan.org\/uz\/wp-json\/wp\/v2\/tags?post=16881"}],"curies":[{"name":"wp","href":"https:\/\/api.w.org\/{rel}","templated":true}]}}