{"id":6462,"date":"2020-09-18T00:42:01","date_gmt":"2020-09-17T19:42:01","guid":{"rendered":"http:\/\/invest-in-uzbekistan.org\/?p=6462"},"modified":"2020-09-18T00:42:01","modified_gmt":"2020-09-17T19:42:01","slug":"novyj-vzglyad-na-perspektivy-razvitiya-uzbeksko-rossijskogo-investitsionnogo-sotrudnichestva","status":"publish","type":"post","link":"https:\/\/invest-in-uzbekistan.org\/uz\/novosti-uzbekistana\/novyj-vzglyad-na-perspektivy-razvitiya-uzbeksko-rossijskogo-investitsionnogo-sotrudnichestva\/","title":{"rendered":"O\u2018zbekiston-Rossiya investisiya hamkorligini rivojlantirish istiqbollariga yangicha qarash"},"content":{"rendered":"

Tomonlar O\u2018zbekiston Respublikasi va Rossiya Federatsiyasi o\u2018rtasidagi strategik sheriklikning yuqori darajasini ta’kidladilar va turli darajadagi ikki tomonlama aloqalarni faollashtirish orqali iqtisodiy va investisiya hamkorligini yanada rivojlantirishga sodiq ekanliklarini bildirdilar.<\/span><\/p>\n

Ma’lumot uchun: \u201cVEB.RF\u201d ko\u2018magi bilan bugungi kunda O\u2018zbekistonda energetika, metallurgiya, mashinasozlik, qishloq xo\u2018jaligi va transport sohalarida umumiy qiymati 3,5 mlrd yevroni tashkil etadigan 24 ta loyiha amalga oshirilmoqda va ishlab chiqilmoqda.<\/span><\/p>\n

\u201cVEB.RF\u201d rahbariyati ikki mamlakat iqtisodiy hamkorligining ko\u2018p qirrali xususiyati va ishbilarmonlarning sherikligini mustahkamlash, ilg\u2018or sanoat texnologiyalarini joriy etish va barqaror kooperasion aloqalarini o\u2018rnatish uchun keng imkoniyatlarni ta’kidladi.<\/span><\/p>\n

Uchrashuv davomida investisiya hamkorligini kengaytirishga va pandemiya sharoitida ikki mamlakat iqtisodiyotlarining birgalikda ishlash nuqtalarini aniqlashga qaratilgan muloqotni rivojlantirishga o\u2018zaro tayyorlik, shuningdek, yoqilg\u2018i-energetika, tog\u2018-kon, farmasevtika, mashinasozlik tarmoqlarida, shahar infratuzilmasi, turizm, axborot-kommunikasiya texnologiyalari va transportni rivojlantirish sohalarida yangi investisiya loyihalarini ishlab chiqish va kelishish bo\u2018yicha o\u2018zaro hamkorlikning masalalari ko\u2018rib chiqildi.<\/span><\/p>\n

Uchrashuvdan so\u2018ng \u201cO\u2018zbekiston-Rossiya hamkorligining asosiy yo\u2018nalishlari va qo\u2018shma loyihalari» mavzusida O\u2018zbekiston-Rossiya davra suhbati bo\u2018lib o\u2018tdi. Ishtirokchilar ishlab chiqilayotgan qo\u2018shma investisiyaviy loyihalarni, ikki mamlakat tadbirkorlari o\u2018rtasida sanoat kooperatsiyasini kengaytirish va biznes hamkorligini oshirish istiqbollarini muhokama qildi. Davra suhbatida Rossiya tomonidan Rossiya Federatsiyasi Sanoat va savdo vazirligi, \u201cVEB.RF\u201d Davlat taraqqiyot korporatsiyasi, \u201cRossiya eksport markazi» AJ, \u201cBMB NRC AGROLOGISTICS\u201d, \u201cSilovie mashini\u201d, \u201cRostex\u201d, \u201cKamaz\u201d, \u201cTransmashxolding\u201d, \u201cMetProm\u201d, \u201cUralmashzavod\u201d, \u201cGazprombank\u201d kabi Rossiyaning yetakchi kompaniya va banklari rahbariyati va O\u2018zbekiston tomonidan – vazirliklar, idoralar, tarmoq birlashmalari, tijorat banklari rahbarlari va biznes vakillari ishtirok etdi.<\/span><\/p>\n

Davra suhbatida Rossiya va O\u2018zbekiston kompaniyalari o\u2018rtasida investisiyalar, texnologiyalar va sanoat kooperatsiyasi sohalaridagi hamkorlikning yuqori rivojlanish dinamikasi va ko\u2018lami ta’kidlandi, xususan, \u201cSilovie mashini\u201d AJ ayni paytda Sirdaryo va Farhod gidroelektrostansiyalari elektr bloklarini modernizasiya qilish loyihalarini amalga oshirmoqda va \u201cRostex\u201d Davlat korporatsiyasi bilan birgalikda O\u2018zbekistonda mashhur \u201cKAMAZ\u201d yuk tashish avtomobillarini yig\u2018ish o\u2018zlashtirildi.<\/span><\/p>\n

Davra suhbati davomida, shuningdek Rossiya biznes hamjamiyati vakillari o\u2018z kompaniyalarining texnologik va investisiyaviy salohiyati haqidagi ma’lumotlarni taqdim etib, O\u2018zbekistonda faoliyatni rivojlantirish istiqbollari haqidagi tasavvurlari bilan o\u2018rtoqlashdilar.<\/span><\/p>\n

Energetika, qishloq xo\u2018jaligi logistikasi, metallurgiya, transport va ta’lim sohalarida aniq loyihaviy takliflarni ishlab chiqishda hamkorlikni yanada kuchaytirish mexanizmlari yuzasidan fikr almashildi. Eng ustuvor tarmoqlar va sohalarda aniq kelishuvlarga erishishga qaratilgan amaliy harakatlar sheriklar tomonidan kelishib olindi.<\/span><\/p>\n

Davra suhbati yakunida \u201cVEB.RF\u201d Davlat taraqqiyot korporatsiyasi va O\u2018zbekiston Respublikasi \u201cTashqi iqtisodiy faoliyat Milliy banki\u201d AJ o\u2018rtasida Rossiya Bankining moliyaviy xabarlar uzatish tizimida elektron xabarlar bilan almashish shartlari to\u2018g\u2018risida Bitim, hamda \u201cVEB.RF\u201d Davlat taraqqiyot korporatsiyasi va \u201cKAMAZ ASIA LEASING\u201d MChJ QK o\u2018rtasida \u201cKAMAZ\u201d markali avtomobil’ va maxsus texnika sotib olishni moliyalashtirish uchun kredit shartnomasi kredit shartnomasi imzolandi.<\/span><\/p>\n

Ma’lumot uchun: \u201cVEB.RF\u201d Davlat taraqqiyot korporatsiyasi 1922 yilda tashkil etilgan. Ijtimoiy-iqtisodiy siyosatni amalga oshirish, modernizasiya va iqtisodiyotning raqobatbardoshligini oshirishga ko\u2018maklashadigan, 51 mlrd dollar aktivlarga ega bo\u2018lgan Rossiyaning eng yirik rivojlanish instituti hisoblanadi.<\/span><\/p>","protected":false},"excerpt":{"rendered":"