{"id":6478,"date":"2020-09-29T22:35:23","date_gmt":"2020-09-29T17:35:23","guid":{"rendered":"http:\/\/invest-in-uzbekistan.org\/?p=6478"},"modified":"2020-09-29T22:35:23","modified_gmt":"2020-09-29T17:35:23","slug":"na-predpriyatiyah-adresno-budut-vnedreny-mezhdunarodnye-standarty","status":"publish","type":"post","link":"https:\/\/invest-in-uzbekistan.org\/uz\/novosti-uzbekistana\/na-predpriyatiyah-adresno-budut-vnedreny-mezhdunarodnye-standarty\/","title":{"rendered":"Korxonalarda xalqaro standartlar manzilli joriy qilinadi"},"content":{"rendered":"

Mahsulotlar sifati va raqobatdoshligini oshirish uchun milliy standartlarni jahon talablariga moslashtirish hamda korxonalarga joriy qilish juda muhim hisoblanadi. So\u2018nggi yillarda mamlakatimizda standartlarning 43 foizi xalqaro me\u2019yorlar bilan uyg\u2018unlashtirilib, ularning soni 12 mingtaga yetkazildi. Bunday ishlar natijasida eksport imkoniyatlari kengaymoqda.\u00a0<\/span><\/p>\n

Misol uchun, 21 ta korxonada to\u2018qimachilik va trikotaj tovarlariga Yevropaning \u201cOEKO-Tex\u201d va \u201cSedex\u201d standartlari joriy qilindi. Jumladan, Andijondagi \u201cSamo Textile\u201d Yevropa bozorlariga 5 million dollarlik mahsulot bilan chiqdi. Buxorodagi \u201cBukhara Cotton Textile\u201d MChJ ham AQSh, Germaniya, Buyuk Britaniya va Turkiyaga 5 million dollarlik eksport qildi.<\/span><\/p>\n

Shuningdek, maishiy texnika, kabel, tibbiyot buyumlari ishlab chiqaruvchi korxonalarda 17 turdagi mahsulot xavfsizligini tasdiqlovchi mashhur \u201cCE\u201d markirovkasi joriy etilgani natijasida Yevropaning 8 ta davlatiga eksport boshlandi.<\/span><\/p>\n

Bu boradagi ishlar izchil davom ettirilmoqda. Yil oxirigacha oziq-ovqat, metallurgiya, yengil sanoat bo\u2018yicha 14 ta laboratoriya modernizatsiyasi yakunlanadi.<\/span><\/p>\n

Yig\u2018ilishda shu paytgacha bajarilgan ishlar natijadorligi tahlil qilinib, galdagi muhim masalalar ko\u2018rib chiqildi.<\/span><\/p>\n

Davlatimiz rahbari \u201cO\u2018zstandart\u201d agentligini milliy organ maqomiga olib chiqish, korxonalarda yangi standartlarni manzilli joriy qilish asosiy vazifa ekanini ta\u2019kidladi.<\/span><\/p>\n

\u2013 Milliy standart \u201covozi jaranglashi\u201dga erishishimiz kerak, \u2013 dedi Shavkat Mirziyoyev.
\nKelgusi yil yakuniga qadar xalqaro standartlar sonini 14 mingtaga, uyg\u2018unlik darajasini 50 foizga yetkazish vazifasi belgilandi.<\/span><\/p>\n

Mutasaddi vazirlik va uyushmalarga to\u2018qimachilik korxonalarida \u201cOEKO-Tex\u201d me\u2019yori, elektr texnikasi tarmog\u2018ida \u201cSE\u201d markirovkasi hamda qishloq xo\u2018jaligida \u201cGlobal G.A.P.\u201d va \u201cOrganic\u201d tizimlarini qo\u2018llashni kengaytirish bo\u2018yicha topshiriqlar berildi. Xalqaro standartlarni tatbiq qilayotgan korxonalarga ko\u2018maklashib, bunga ketadigan xarajatning bir qismini Eksportni rag’batlantirish\u00a0agentligi tomonidan qoplab berish muhimligi ta\u2019kidlandi.<\/span><\/p>\n

\u2013 Agar mahsulot xalqaro sertifikatga ega bo\u2018lmasa, u hech qachon raqobatbardosh bo\u2018la olmaydi. Mamlakatda har bir tadbirkor standartni bilishi, tanishi kerak, shunday muhit yaratish zarur, \u2013 deya ta\u2019kidladi Prezident.<\/span><\/p>\n

\u201cO\u2018zstandart\u201d agentligiga avtomobil komponentlari, kimyo, oziq-ovqat, qurilish materiallari tarmoqlarida xalqaro standartlarni joriy etish bo\u2018yicha 2021 yilga mo\u2018ljallangan \u201cyo\u2018l xaritalari\u201d ishlab chiqish topshirildi.<\/span><\/p>\n

Dunyoda zavod va fabrikalar o\u2018z mahsulotlarini bozor talablari asosida takomillashtirib boradi. Shu tajribadan kelib chiqib, ishlab chiqaruvchilar imkoniyatini cheklayotgan me\u2019yorlarni ixtiyoriyga o\u2018tkazish kerakligi qayd etildi.<\/span><\/p>\n

5 mingdan ziyod eski standartlarni bekor qilish, mahsulotlar xavfsizligini ta\u2019minlash texnik reglamentlarini Yevropa va Yevroosiyo iqtisodiy ittifoqi talablariga moslashtirish bo\u2018yicha ko\u2018rsatmalar berildi. Shu bilan birga, sifatsiz import tovarlar kirib kelishining oldini olish maqsadida xavfsizlik talablari soni va qamrovi oshiriladi.<\/span><\/p>\n

Yig\u2018ilishda Prezident \u201cO\u2018zstandart\u201d agentligining xalqaro standartlash va metrologiya tashkilotlaridagi ishtirokini faollashtirish muhimligini ta\u2019kidladi.<\/span><\/p>\n

Mazkur agentlikka Yevropa iqtisodiy komissiyasi texnik qo\u2018mitasi bilan quritilgan mevalar bo\u2018yicha kelishuvga erishish, kelgusi yilda Xalqaro akkreditatsiya forumiga to\u2018laqonli a\u2019zo bo\u2018lish vazifasi qo\u2018yildi.<\/span><\/p>\n

Sohaga doir ilm-fan va ta\u2019limni rivojlantirish masalalariga ham e\u2019tibor qaratildi. Kelgusi yildan Toshkent davlat texnika universiteti bilan energiya samaradorligi, Kimyo-texnologiya instituti bilan qishloq xo\u2018jaligi mahsulotlari genetikasi, To\u2018qimachilik instituti bilan sintetik tolalar, Ilg\u2018or texnologiyalar markazi bilan hamkorlikda biologik faol qo\u2018shimchalar yo\u2018nalishida ilmiy tadqiqotlar olib borish muhimligi aytildi.<\/span><\/p>\n

Shuningdek, O\u2018zbekiston milliy metrologiya institutida qurilish materiallari, suv tejovchi hamda axborot texnologiyalari bo\u2018yicha kafedralar tashkil etilishi belgilandi. Innovatsion rivojlanish vazirligi ilmiy ishlanmalarga grantlar ajratadi.<\/span><\/p>\n

Yig\u2018ilishda \u201cO\u2018zstandart\u201d agentligi tomonidan amalga oshirilayotgan ishlar va kelgusi rejalar yuzasidan taqdimot o\u2018tkazildi. \u00a0<\/span><\/p>","protected":false},"excerpt":{"rendered":"