{"id":7029,"date":"2021-12-26T12:14:57","date_gmt":"2021-12-26T07:14:57","guid":{"rendered":"http:\/\/invest-in-uzbekistan.org\/?p=7029"},"modified":"2021-12-26T12:14:57","modified_gmt":"2021-12-26T07:14:57","slug":"dan-pusk-zavodu-uzbekistan-gtl-zalozhena-kapsula-v-fundament-eshhe-odnogo-novogo-predpriyatiya","status":"publish","type":"post","link":"https:\/\/invest-in-uzbekistan.org\/uz\/novosti-uzbekistana\/dan-pusk-zavodu-uzbekistan-gtl-zalozhena-kapsula-v-fundament-eshhe-odnogo-novogo-predpriyatiya\/","title":{"rendered":"\u201cUzbekistan GTL\u201d zavodi ishga tushirildi, yana bir korxonaga tamal toshi qo\u2018yildi"},"content":{"rendered":"

Qashqadaryo viloyati G\u2018uzor tumanida 25-dekabr kuni \u201cUzbekistan GTL\u201d zavodining ochilish marosimi bo\u2018ldi. Tadbirda Prezident Shavkat Mirziyoyev nutq so\u2018zladi.<\/span><\/p>\n

– Bugun, Yangi yil arafasida ushbu qutlug\u2018 vohada mamlakatimiz sanoatida yana bir yorqin sahifa ochayotgan tarixiy voqeaga guvoh bo\u2018lish barchamizga cheksiz quvonch bag\u2018ishlaydi. Bunday ulkan majmuaning qurilishi keyingi yillarda sanoat rivojini yangi bosqichga olib chiqish bo\u2018yicha amalga oshirayotgan siyosatimiz natijasi, desak, to\u2018g\u2018ri bo\u2018ladi, – dedi davlatimiz rahbari.<\/span><\/p>\n

Ushbu zavod mamlakatimizda va umuman mintaqamizda neft-gaz-kimyo sanoati sohasidagi eng yirik korxonadir. Majmuada yiliga 3,6 milliard metr kub tabiiy gaz qayta ishlanib, qiymati 1 milliard dollardan ziyod bo\u2018lgan 1,5 million tonna tayyor suyuq mahsulotlar ishlab chiqariladi. Jumladan, 307 ming tonna aviakerosin, 724 ming tonna dizel yoqilg\u2018isi, 437 ming tonna nafta, 53 ming tonna suyultirilgan gaz tayyorlanadi.<\/span><\/p>\n

Ushbu mahsulotlar hisobiga, yiliga 500 million dollarlik import o\u2018rni qoplanadi, 200 million dollarlik eksport va 2 trillion so\u2018mlik soliq tushumlari ta\u2019minlanadi.<\/span><\/p>\n

Natijadorlik jihatidan aytganda, bu yerda tabiiy gaz 3 barobar yuqori qiymatli tayyor mahsulotlarga aylantiriladi. Xususan, aviakerosin juda toza va sifatli bo\u2018lib, eng zamonaviy samolyotlarga mo\u2018ljallangani uchun unga hamisha talab bor. Zavodda ishlab chiqariladigan dizel yoqilg\u2018isi ham kamida Yevro-6 standartlariga mos bo\u2018ladi. Bu mahsulotlar mamlakatimizdagi logistika markazlarini rivojlantirish va aviatsiya xablarini tashkil qilishga mustahkam zamin yaratadi.<\/span><\/p>\n

Xalqaro energetika agentligi hisob-kitoblariga ko\u2018ra, GTL mahsulotlarini ishlab chiqarish 2030 yilga borib 2 barobar o\u2018sadi. Shu bois yanada yuqori qo\u2018shilgan qiymatli boshqa turdagi mahsulotlar ishlab chiqarish ham rejalashtirilgan. Jumladan, zavod negizida alkil-benzol, buten va geksen, sintetik moylar, malein angidrid, emulsion qo\u2018shimchalar, katalizatorlar kabi mahsulotlar ishlab chiqarish bo\u2018yicha qiymati 620 million dollar bo\u2018lgan 6 ta loyiha amalga oshirilishi mo\u2018ljallangan. Bu yarim tayyor mahsulotlar kimyo va maishiy kimyo, tekstil, charm va mebel, qurilish materiallari va elektrotexnika kabi sohalarda keng qo\u2018llaniladi.<\/span><\/p>\n

Prezidentimiz bugungi kunda butun dunyo \u201cyashil iqtisodiyot\u201dga o\u2018tayotgani, savdo-sotiqda shu borada talablar qo\u2018yayotganini qayd etdi. \u201cUzbekistan GTL\u201d mahsulotlari esa jahondagi eng yuqori ekologik talablar va standartlarga to\u2018liq javob beradi. Bu yerda tayyorlanadigan sintetik yoqilg\u2018i an\u2019anaviy yoqilg\u2018ilarga nisbatan 40 foiz kam chiqindi va zararli gaz hosil qiladi. Buning hisobidan, yiliga 13 ming 500 tonna zararli gazlarning havoga tarqalishiga yo\u2018l qo\u2018yilmaydi.<\/span><\/p>\n

– Zavod ishga tushganidan keyin jami 1 ming 300 ta mutaxassis yuqori daromadli, doimiy ish o\u2018rniga ega bo\u2018ladi. Meni quvontiradigani, zavod qurilishida qatnashgan mutaxassislarning qariyb 80 foizi o\u2018zimizning mahalliy kadrlar, yangicha ishlashga chanqoq yoshlar. Bu tajriba kelgusida mamlakatimizda yangi sanoat ob\u2019ektlarini o\u2018z kuchimiz bilan barpo etishda albatta juda kerak bo\u2018ladi.<\/span><\/p>\n

Bu yoshlar \u2013 Yangi O\u2018zbekiston yoshlari. Ular milliy sanoatimiz ravnaqiga munosib hissa qo\u2018shib, bu yo\u2018lda \u201coltin fond\u201dimizga aylanadi, – deya ta\u2019kidladi Shavkat Mirziyoyev.<\/span><\/p>\n

O\u2018quv dasturlarini zamonaviy talablar asosida qayta ko\u2018rib chiqish, talabalar amaliyotini shu zavodda tashkil etish bo\u2018yicha ko\u2018rsatmalar berildi.<\/span><\/p>\n

Marosimda \u201cUzbekistan GTL\u201d zavodining texnik direktori Marsel Yurgen Krauze, \u201cHyundai Engineering\u201d kompaniyasi prezidenti Kim Chang Xag, \u201cGazprombank\u201d boshqaruvi raisi o\u2018rinbosari Aleksey Matveyev, \u201cAir Products and Chemicals\u201d kompaniyasi prezidenti Seyfi Gasemiy so\u2018zga chiqib, yangi zavodning ahamiyatini qayd etdi.<\/span><\/p>\n

Mehnat faxriylari, ishchilarning ota-onalari mamlakatimizda inson qadrini ulug\u2018lash tamoyili shu loyiha misolida namoyon ekanini ta\u2019kidlab, davlatimiz rahbariga minnatdorlik bildirdi.<\/span><\/p>\n

Marosim doirasida yana bir korxona – Sho\u2018rtan gaz-kimyo majmuasining ishlab chiqarish quvvatini 3 barobarga kengaytirish bo\u2018yicha loyiha qurilishiga ham start berildi.<\/span><\/p>\n

Bu loyihaning qiymati 1 milliard 800 million dollar bo\u2018lib, Uzbekistan GTL zavodi yonida quriladi. Unda 430 ming tonna naftani qayta ishlash hisobiga yiliga 280 ming tonna polietilen va 100 ming tonna polipropilen tayyorlanadi. Yana mingga yaqin ish o\u2018rni ochiladi.<\/span><\/p>\n

Shu tariqa, Sho\u2018rtanda yurtimizdagi birinchi yirik gaz-kimyo klasteriga asos solinadi. Bu klasterda mahsulot ishlab chiqarish hajmi hozirgi 290 million dollardan 2025 yilda 1,8 milliard dollarga yetkaziladi. Ya\u2019ni, 6 barobarga oshadi.<\/span><\/p>\n

Ushbu klaster tizimidagi korxonalar 1 dollarlik xom ashyodan 10 dollarlik yuqori qo\u2018shilgan qiymatli tayyor mahsulotlar yaratadi.<\/span><\/p>\n

Ikki yangi majmua nafaqat o\u2018zining mahsuloti orqali, balki boshqa sanoat sohalarida 100 million dollarlik butlovchi va ehtiyot qismlar uchun bozor shakllantiradi.<\/span><\/p>\n

– Bu loyihalar O\u2018zbekistonda yangi sanoat davrini yaratish yo\u2018lidagi ilk yirik qadamlarimizdan biridir. Ishonchim komilki, sizlar bilan birga kelgusida bu borada iqtisodiyotimiz rivojiga ulkan hissa qo\u2018shadigan, uning raqobatbardoshligini mustahkamlaydigan yana ko\u2018plab yirik loyihalarni muvaffaqiyatli amalga oshiramiz, – dedi Prezident.<\/span><\/p>","protected":false},"excerpt":{"rendered":"