{"id":7049,"date":"2022-02-24T11:36:26","date_gmt":"2022-02-24T06:36:26","guid":{"rendered":"http:\/\/invest-in-uzbekistan.org\/?p=7049"},"modified":"2022-02-27T11:37:02","modified_gmt":"2022-02-27T06:37:02","slug":"nachato-stroitelstvo-ocherednoj-stantsii-na-osnove-alternativnoj-energii","status":"publish","type":"post","link":"https:\/\/invest-in-uzbekistan.org\/uz\/novosti-uzbekistana\/nachato-stroitelstvo-ocherednoj-stantsii-na-osnove-alternativnoj-energii\/","title":{"rendered":"Yana bir muqobil energetika stansiyasi qurilishi boshlandi"},"content":{"rendered":"

Prezident Shavkat Mirziyoyev 24 fevral kuni Qoraqalpog\u2018iston Respublikasi Beruniy tumaniga tashrif buyurdi.\u00a0<\/span><\/p>\n

Bu yerda Saudiya Arabistonining \u201cACWA Power\u201d kompaniyasi bilan hamkorlikda shamol elektr stansiyasi qurilishi rejalashtirilgan. Shu munosabat bilan, ushbu majmuaga tamal toshi qo\u2018yish marosimi bo\u2018ldi.\u00a0<\/span><\/p>\n

– Qoraqalpog\u2018istonning insonlari mehnatkash, yeri boy. Endi shamollariyam iqtisodiyotga manfaat keltiradi. Agar biz katta-katta korxonalar quramiz, desak, hamkorlarimiz avvalambor \u00abenergetikang bormi, yo\u2018ling bormi, infratuzilmang bormi\u00bb deb so\u2018raydi. Bu yerda quvvati 100 megavatt bo\u2018lgan shamol elektr stansiyasi barpo etilishi hudud iqtisodiyotiga qo\u2018shimcha kuch, zamin bo\u2018ladi, – Shavkat Mirziyoyev.<\/span><\/p>\n

Qoraqalpog\u2018istonda yagona bo\u2018lgan Taxiatosh issiqlik elektr stansiyasi bundan 65 yil avval qurilgan bo\u2018lib, hudud ehtiyojini qondirish uchun yetarli emas edi. Shuning uchun ushbu stansiya 680 million dollar evaziga modernizatsiya qilinib, 560 megavatt quvvatlar ishga tushirildi.<\/span><\/p>\n

Mana endi yangi yo\u2018nalishda, ekologik toza yana bir elektr stansiyasi qurilishi boshlanmoqda. Yillik quvvati 360 million kilovatt-soat bo\u2018lgan ushbu loyiha 108 million dollar to\u2018g\u2018ridan-to\u2018g\u2018ri xorijiy investitsiyalar hisobiga amalga oshiriladi. Bu loyiha ishga tushgach, 110 ming xonadonni qo\u2018shimcha elektr energiyasi bilan ta\u2019minlash mumkin bo\u2018ladi. Yiliga \u00a0106 million kub metr tabiiy gazimiz tejaladi.<\/span><\/p>\n

– Inson qadri uchun, degan bosh tamoyil asosida Qoraqalpog\u2018istonni ijtimoiy-iqtisodiy rivojlantirish bo\u2018yicha ham katta marralar olganmiz. Kelgusi besh yilda 2 ming 500 ta yangi korxonalar tashkil etib, sanoat mahsulotlari ishlab chiqarish hajmini qariyb 2 barobarga oshirish rejalashtirilgan. Qayta tiklanuvchi energiya manbalari bu ishlarga kuchli turtki beradi. Bundan farzandlarimiz, kelajak avlodlar ham manfaat ko\u2018radi, – dedi davlat rahbari.<\/span><\/p>\n

Loyiha bo\u2018yicha Yevropa tiklanish va taraqqiyot bankining texnik ko\u2018magida e\u2019lon qilingan xalqaro tenderda Saudiya Arabistonining \u201cACWA Power\u201d kompaniyasi 20 ga yaqin talabgorlar o\u2018rtasida g\u2018olib bo\u2018lgan. Ushbu kompaniya tomonidan davlat-xususiy sheriklik asosida ishlab chiqariladigan shamol energiyasi uchun eng past tarif – 1 kilovatt-soat elektr uchun 2,56 sent taklif qilingan.<\/span><\/p>\n

Yana bir muhim tomoni, stansiya qurilishida ming nafar qoraqalpoq yoshlari ham qatnashadi. U ishga tushgach esa, 100 nafar malakali muhandis va texnik xodimlar yuqori daromadli doimiy ish bilan ta\u2019minlanadi. Loyiha doirasida 25 ta shamol turbinasi o\u2018rnatiladi, 20 kilometr bo\u2018lgan 220 kilovatt kuchlanishli elektr uzatish havo liniyasi qurilib, bu quvvatlar mamlakat yagona energetika tizimi bilan to\u2018liq ulanadi.<\/span><\/p>\n

Prezidentimiz loyiha uchun zarur narsalarni mahalliylashtirishga alohida e\u2019tibor qaratish kerakligini ta\u2019kidladi. Masalan, \u201cTaxiatosh metall konstruksiya\u201d zavodida tayanch ustunlar, \u201cNukus elektr apparat\u201d korxonasida transformator va elektr texnika jihozlari, boshqa korxonalarda esa \u2013 kabel va o\u2018nlab turli mahsulotlar ishlab chiqarishni yo\u2018lga qo\u2018yish mumkin.<\/span><\/p>\n

Qoraqalpog\u2018istonda shamol energiyasi ishlab chiqarish imkoniyatlari cheksiz ekani qayd etildi.<\/span><\/p>\n

– Ekologik innovatsiyalar va texnologiyalar hududi, deb e\u2019lon qilingan Orolbo\u2018yi mintaqasida boshlangan bu loyiha \u201cyashil energiya\u201d ishlab chiqarish bo\u2018yicha \u201cbirinchi qaldirg\u2018och\u201d. Kelgusi besh yilda bu hududda quvvati qariyb 1 ming 800 megavatt bo\u2018lgan 3 ta shamol stansiyasi ishga tushiriladi, – dedi davlatimiz rahbari.<\/span><\/p>\n

Shundan so\u2018ng Prezident Shavkat Mirziyoyev shamol elektr stansiyasi poydevoriga kapsula qo\u2018ydi.<\/span><\/p>\n

Marosimda \u201cACWA Power\u201d kompaniyasi rahbari Muhammad Abdulla Abunayan, soha mutaxassislari, jamoatchilik vakillari so\u2018zga chiqdi.<\/span><\/p>\n

Mamlakatimizda elektr energiyasi ishlab chiqarishni ko\u2018paytirish bo\u2018yicha ko\u2018plab loyihalar amalga oshirilmoqda. O\u2018tgan yili Navoiy viloyati Karmana tumanida ilk quyosh fotoelektr stansiyasi ishga tushirilgan edi. Surxondaryo viloyati Sherobod tumanida shunday yana bir stansiya qurilishi boshlangan.<\/span><\/p>\n

Umuman, bu sohada 3 milliard dollar miqdoridagi xorijiy investitsiyalar hisobiga, jami 2 ming 900 megavattli 10 ta quyosh va shamol elektr stansiyalari barpo etilmoqda.<\/span><\/p>","protected":false},"excerpt":{"rendered":"