O’zbekiston va Rossiya birgalikda arzon narxlardagi aviakompaniya tashkil etishni rejalashtirmoqda

O’zbekiston Respublikasi va Rossiya Federatsiyasi o’rtasidagi iqtisodiy hamkorlik bo’yicha hukumatlararo komissiyaning transport sohasidagi hamkorligiga bag’ishlangan yig’ilish bo’lib o’tdi. 

Rossiya tomoniga transport vazirining birinchi o’rinbosari – Federal havo transporti agentligi rahbari Aleksandr Neradko, o’zbek tomoniga – O’zbekiston Respublikasi transport vaziri Elyor G’aniev rahbarlik qildi.

Tomonlar havo transporti sohasidagi hamkorlikka alohida e’tibor berib, ikki tomonlama hamkorlikning dolzarb masalalarini ko’rib chiqdilar. Xususan, ular Havo transporti federal agentligi va Fuqaro aviatsiyasi agentligi o’rtasida havo kemalariga yaroqlilik sohasida hamkorlik to’g’risidagi Bitimni imzolashga tayyorgarlik masalalarini muhokama qildilar.

Bundan tashqari, ular ikki mamlakat o’rtasida aviareyslar sonini ko’paytirish va yo’lovchilar va yuklarni tashish uchun arzon narxlardagi Rossiya-O’zbekiston aviakompaniyasini yaratish imkoniyatlari haqida gaplashdilar.