Markaziy bank rahbariyati Citi Bank va Societe Generale vakillari bilan O‘zbekistonning xalqaro reytinglardagi o‘rnini yaxshilash yo‘llari yuzasidan yig‘ilish o‘tkazdi.
Uchrashuvda mamlakatimizdagi joriy makroiqtisodiy vaziyat va pul-kredit siyosati masalalari muhokama qilindi.
Shuningdek, jahon miqyosida yuzaga kelishi mumkin bo‘lgan tahdid va xatarlarni hisobga olgan holda kelgusi yillar uchun makroiqtisodiy prognozlar bo‘yicha ham fikr almashildi.