Xitoyning ICBC Standard banki O‘zbekiston moliya bozoriga kiradi

Xitoyning ICBC Standard transmilliy banki O‘zbekiston moliya bozoriga kirishni rejalashtirmoqda, deb xabar beradi Spot, Markaziy bank matbuot xizmatiga tayanib.

Markaziy bank delegatsiyasi Londonda ICBC Standard Bank vakillari bilan uchrashdi. Xususan, O‘zbekiston moliya bozori infratuzilmasini takomillashtirish va xalqaro standartlar asosida normativ-huquqiy bazani takomillashtirish masalalari muhokama qilindi.

Uchrashuvda, shuningdek, tomonlar investitsiya bankining O‘zbekiston moliya bozoriga kirishi bilan bog‘liq texnik jihatlar bo‘yicha kelishib oldilar.

ICBC Standard yaqin kunlarda o‘zbek so‘mida hisob-kitoblarni va davlat qimmatli qog‘ozlari bilan operatsiyalarni amalga oshirishni boshlaydi.

Bundan tashqari, investitsiya banki ekspertlari Markaziy bankka xalqaro depozitariylar bilan munosabatlarni yo‘lga qo‘yish, mahalliy va xalqaro hisob-kitob tizimlarini bog‘lash, shuningdek, mahalliy moliya bozorlariga yirik xorijiy institutsional investorlarni jalb qilish uchun huquqiy muhit yaratish bo‘yicha tavsiyalar berdi.