Investitsiyalar, sanoat va savdo vaziri Yevropa tiklanish va rivojlantirish banki delegatsiyasi bilan uchrashuv o‘tkazdi

11-oktabr, Investitsiyalar, sanoat va savdo vaziri Yevropa tiklanish va rivojlantirish banki vitse-prezidenti Matteo Patrone boshchiligidagi delegatsiya bilan uchrashuv o‘tkazdi, deb xabar qilmoqda vazirlik matbuot xizmati.

Laziz Kudratov YeTTBning O‘zbekistonning iqtisodiy rivojlanishiga ko‘maklashishdagi asosiy hamkori sifatidagi rolini yuqori baholadi va Patrone Matteoni bank vitse-prezidenti lavozimiga tayinlangani bilan tabrikladi.

YETTB bilan hamkorlikning keyingi yillarda kuzatilgan sifat jihatidan yangi darajasi qayd etildi. Bugungi kunga qadar qo‘shma portfelga suv ta’minoti, irrigatsiya, qishloq xo‘jaligi, ta’lim, transport, yo‘llarni rekonstruksiya qilish, kichik va o‘rta biznesni qo‘llab-quvvatlash sohalarida umumiy qiymati 4,3 milliard yevro bo‘lgan 39 ta loyiha kiritilgan.

Tomonlar hamkorlikni yanada rivojlantirishning istiqbolli yo‘nalishlarini muhokama qildilar. Hozirgi kunda suv ta’minoti, ta’lim, energiya, yo‘llarni rekonstruktsiya qilish, transport va qattiq chiqindilarni utilizatsiya qilish sohalarida 8 loyiha bo‘yicha 1,043 million evro miqdorida dastur ishlab chiqish jarayonida.

Konstruktiv fikr almashish chogʻida infratuzilmani rivojlantirish, sogʻliqni saqlash, taʼlim, suv taʼminoti va yoʻllarni modernizatsiya qilish sohalarida davlat-xususiy sheriklikning yangi loyihalarini ishlab chiqish va amalga oshirish uchun YeTTB tomonidan texnik va maslahat yordamini jalb qilish boʻyicha chora-tadbirlar kelishib olindi. Bank vakillari, shuningdek, O‘zbekistonda energiya va qayta tiklanuvchi energiya manbalari sohasidagi loyihalar va boshqa ustuvor loyihalarni qo‘llab-quvvatlashni kengaytirishga tayyor ekanliklarini bildirdilar.

Muzokaralar yakunlari bo‘yicha tomonlar munosabatlarni yanada mustahkamlash va kengaytirish, ko‘p qirrali hamkorlikning barcha mavjud yo‘nalishlari bo‘yicha qo‘shma ishlarni faol davom ettirish tarafdori ekanliklarini tasdiqladilar.