Maxsus iqtisodiy zonalar to‘g‘risida

«Maxsus iqtisodiy zonalar to’g’risida» gi qonun 17 fevral kuni O’zbekiston prezidenti Shavkat Mirziyoyev tomonidan imzolangan. Qonun imzolangandan 3 oy o’tgach kuchga kiradi, shundan keyin 1996 yil erkin iqtisodiy zonalar to’g’risidagi eski qonun o’z kuchini yo’qotadi.

Yangi qonunda iqtisodiy zonalarni faoliyat turlari bo’yicha ajratish ko’zda tutilgan:

– erkin iqtisodiy zonalar;

– maxsus ilmiy va texnologik zonalar;

– sayyohlik va dam olish maskanlari;

– erkin savdo zonalari;

– maxsus sanoat zonalari.

Qonunga muvofiq, ushbu zonalar ishtirokchilari O’zbekiston Respublikasi Soliq kodeksiga muvofiq soliq imtiyozlaridan foydalanadilar va shuningdek quyidagi bojxona to’lovlaridan ozod etiladilar:

– qurilish davrida investitsiya shartnomasiga muvofiq investitsiya loyihasini amalga oshirish uchun respublikada ishlab chiqarilmaydigan va belgilangan tartibda olib kirilgan qurilish materiallari uchun to’lovlar (qo’shimcha qiymat solig’i va bojxona rasmiylashtiruvi uchun yig’imlar bundan mustasno);

– tasdiqlangan ro’yxatga muvofiq O’zbekiston Respublikasida o’xshash bo’lmagan texnologik asbob-uskunalarni olib kirish uchun to’lovlar (bojxona rasmiylashtiruvi yig’imlari bundan mustasno);

– eksport uchun mahsulot ishlab chiqarish va sotish uchun ishlatiladigan xom ashyo, materiallar va butlovchi buyumlarni O’zbekiston Respublikasi hududiga olib kirganlik uchun to’lovlar.