Qatarning yirik kompaniyasi O‘zbekistonda investitsiya loyihalarini amalga oshirishda o‘z ishtirokini boshlaydi

O‘zbekistonning Qatardagi elchixonasida Qatarning «Power International Holding» kompaniyasi bosh direktori o‘rinbosari Moris Ghattas va ushbu kompaniya tarkibiga kiruvchi «UCC Holding» rahbari Muhammad Sabri bilan muzokaralar bo‘lib o‘tdi, deb xabar beradi “Dunyo” axborot agentligi muxbiri. 

1983-yilda tashkil etilgan «Power International Holding» sog’liqni saqlash va turizm, qishloq xo’jaligi, mehmonxona va ko’ngilochar biznes sohalarida faoliyat yuritadi. U 19 mamlakatda ishlaydi va Forbes ma’lumotlariga ko’ra, Yaqin Sharqdagi 13 ta eng yirik kompaniyalardan biri hisoblanadi.

Uchrashuvda O‘zbekiston Prezidenti Shavkat Mirziyoyevning oktabr oyida Qatarga davlat tashrifi chog‘ida Power International xolding kompaniyasi bilan erishilgan kelishuvlarni amalga oshirish masalalari muhokama qilindi.

Muzokaralar yakunlari boʻyicha “Power International Holding” kompaniyasi rahbariyati va unga aʼzo kompaniyalarning Oʻzbekistonga tashrifini tashkil etish boʻyicha kelishuvga erishildi. Buxoro, Samarqand va Toshkent shaharlari, Navoiy viloyatida ammiak va karbamid ishlab chiqarishni tashkil etish, shuningdek, qayta tiklanadigan energetika sohasidagi loyihalar.

Joriy yilning noyabr oyida “Power International Holding” kompaniyasi O‘zbekistonda o‘z vakolatxonasini ochishi kutilmoqda.