Powerchina kompaniyasi Andijonda 400 MVt quvvatga ega fotoelektr stansiyasini qurishni boshladi

Andijonda 13-sentabr kuni quyosh fotoelektr stansiyasi qurilishi boshlandi, deb xabar beradi Spot, Energetika vazirligi matbuot xizmatiga tayanib.

Yangi Andijon tumani hududida 400 megavatt quvvatga ega quyosh elektr stansiyasi qurilishi Xitoyning Powerchina International Group kompaniyasi tomonidan amalga oshirilmoqda. Uning vakillari viloyat hokimi Shuhratbek Abdurahmonov bilan birga ishga tushirish marosimida ishtirok etdi.

100 MVt quvvatga ega birinchi bosqichni ishga tushirish 2024-yil 1-aprelga rejalashtirilgan. FES keyingi noyabr oyining oxirigacha to‘liq foydalanishga topshirilishi kutilmoqda.

Loyihaviy quvvatiga erishgandan so‘ng quyosh fermasi yiliga 700 million kVt/soatgacha elektr energiyasi ishlab chiqarish imkoniyatiga ega bo‘ladi. Shu bilan birga, xuddi shunday quvvatga ega issiqlik elektr stansiyalari bilan solishtirganda 212 million kub metr gaz tejaladi, atmosfera chiqindilari esa 294 million tonnaga kamayadi.

Energetika vazirligi va Powerchina International may oyida bo’lajak issiqlik elektr stansiyasi loyihasi bo’yicha dastlabki memorandumga kirishdi. 31-iyul kuni Andijon viloyati hokimligi ishtirokida elektr stansiyasini qurish bo‘yicha uch tomonlama shartnoma imzolandi.