Toshkent viloyati va Vengriyaning Zala provinsiyasi hamkorlikning yangi bosqichiga qadam qo‘ymoqda

Oʻzbekiston diplomatlari Vengriyaning janubi-gʻarbida joylashgan yetakchi viloyatlaridan biri boʻlgan Zala provinsiyasiga tashrif buyurdi, deb xabar bermoqda “Dunyo” axborot agentligi muxbiri.

Sanoat va qishloq xo‘jaligi salohiyati bilan mashhur Zala viloyati O‘zbekiston bilan iqtisodiy aloqalarni faol rivojlantirmoqda, ikki tomonlama hamkorlik istiqbollari tashabbusi bilan chiqmoqda. Tashrif chogʻida hududlararo aloqalarni mustahkamlash, sarmoya, texnologiyalar va madaniy tajriba almashishning strategik ahamiyati taʼkidlandi.

Tashrif o‘zaro manfaatli hamkorlikni rivojlantirish, savdo, sarmoya va madaniyat sohalarida aloqalarni mustahkamlash, shuningdek, Toshkent viloyati va Zala viloyati o‘rtasida qo‘shma loyihalarni yo‘lga qo‘yishga qaratilgan edi.

Varmedyening rasmiy va ishbilarmon doiralari, jumladan, Zala provinsiyasi Assambleyasi raisi Attila Pal, varmedye gubernatori Roja Shifter, Savdo-sanoat palatasi raisi Dejyo Kovach, Pannoniya universiteti rektori, professor Yanosh Aboni, Pannoniya universiteti fondi Vasiylik kengashi raisi Zoltan Birkner bilan muzokaralar o’tkazildi.

Toshkent viloyati va Zala viloyati oʻrtasida ikki viloyat kompaniyalari ishtirokida biznes-forum, shuningdek, ikki mamlakat madaniyat kunlarini oʻtkazish orqali muntazam tashriflar tashkil etish boʻyicha kelishuvga erishildi.

“O‘zbekiston bilan savdo va sarmoyaviy hamkorlik istiqbollari” mavzusidagi davra suhbatida Vengriyaning qurilish, transport, logistika, neft-gaz, o‘rmonchilik, metallurgiya va turizm sohalarida faoliyat yuritayotgan 10 dan ortiq kompaniyasi vakillari ishtirok etdi.

Ular O‘zbekistonning savdo-iqtisodiy, sarmoyaviy va turizm sohalaridagi salohiyatiga bag‘ishlangan taqdimotni taqdim etdilar. Vengriya kompaniyalari O‘zbekistondagi savdo va sarmoyani kengaytirishdan manfaatdor ekanligini bildirdi. Ularga Vengriya kompaniyalari uchun Toshkent viloyatida ochilishi rejalashtirilgan sanoat zonasida tadbirkorlik faoliyatini boshlash taklif etildi.

Pannoniya universiteti taʼlim va akademik hamkorlik doirasida Oʻzbekiston oliy taʼlim muassasalari bilan hamkorlikka, jumladan “qoʻshma diplom” dasturlari va ustuvor yoʻnalishlarda talabalar almashinuviga tayyorligini bildirdi.

Uchrashuvlar yakunlari tomonlarning o‘zaro manfaatli munosabatlarni yanada rivojlantirish, ham Vengriya, ham O‘zbekiston uchun uzoq muddatli manfaat keltiradigan qo‘shma loyihalarni amalga oshirish tarafdori ekanidan dalolat beradi.