O‘zbekistonga bir yil ichida ilk bor yarim million rossiyalik sayyoh tashrif buyurdi

2022-yilning yanvar-dekabr oylarida O‘zbekistonga turizm maqsadida 5,2 million xorijlik tashrif buyurgan, shulardan 567,7 ming nafari rossiyaliklardir. Bu haqida mamlakat Davlat statistika qo‘mitasi xabar bermoqda.

O‘zbekistonga kelgan sayyohlar soni bo‘yicha Qozog‘iston yetakchi bo‘ldi – 1551,1 ming kishi. Ikkinchi o‘rinda Tojikiston (1447,8 ming), uchinchi o‘rinda Qirg‘iziston (1356,9 ming), Rossiya to‘rtinchi o‘rinda.

Rossiyalik sayyohlar sonining o‘sishi 2021-yilga nisbatan uch baravar ko‘p bo‘ldi, shu vaqtda O‘zbekistonga 190,5 ming rossiyaliklar tashrif buyurgan.

O‘zbekistonga Turkiya (75,6 ming), Janubiy Koreya (19,9 ming), Germaniya (17,7 ming), Hindiston (16,8 ming), AQSh (13,1 ming), Fransiya (11 ming), Buyuk Britaniya (10,5 ming) va boshqa mamlakatlar sayyohlari ham qiziqish bildirgan.

Umuman olganda, O‘zbekistonga kelayotgan xorijiy sayyohlar soni ham, o‘sish dinamikasi ham pandemiyagacha bo‘lgan darajaga yetgani yo‘q. Demak, 2019-yilda 6,74 million, 2018-yilda esa 5,34 million xorijlik tashrif buyurgan.Bu fonda Rossiyadan kelayotgan sayyohlar sonining o‘sishi misli ko‘rilmagan ko‘rinadi.