«O‘zbekiston – 2030» strategiyasini amalga oshirish bo‘yicha Davlat dasturi loyihasi jamoatchilik muhokamasiga qo‘yildi

ISSV matbuot xizmati xabariga ko‘ra, O‘zbekiston Respublikasi Prezidentining “Mahallani rivojlantirish va jamiyatni yuksaltirish yili”da ustuvor yo‘nalishlar bo‘yicha islohotlar dasturlari va “O‘zbekiston – 2030” strategiyasini amalga oshirish bo‘yicha Davlat dasturi to‘g‘risida”gi Farmoni loyihasi jamoatchilik muhokamasi uchun www.uzbekistan2030.uz va regulation.gov.uz veb-saytlariga joylashtirildi.

O‘zbekiston Respublikasi Prezidentining   va “O‘zbekiston – 2030” strategiyasini amalga oshirish bo‘yicha Davlat dasturi to‘g‘risida”gi Farmoni loyihasi ishlab chiqildi.

Loyiha keng jamoatchilik muhokamasi uchun www.uzbekistan2030.uz va regulation.gov.uz veb-saytlariga joylashtirildi.

Islohotlar dasturlarida 2026 yil uchun:

• mahallani rivojlantirish va jamiyatni yuksaltirish;
• iqtisodiyotni texnologik o‘sish modeliga o‘tkazish,
• yangi mehnat bozori arxitekturasini yaratish,
• ekologiyani asrash va suvdan oqilona foydalanish,
• davlat boshqaruvi va sud-huquq tizimini takomillashtirish yo‘nalishlari bo‘yicha muhim islohotlar nazarda tutilgan.

Islohotlar dasturlari aholi tanishib chiqishi uchun qulay va ixcham shaklda tayyorlangan bo‘lib, Davlat Rahbari tomonidan ilgari surilgan tashabbuslar to‘g‘ridan-to‘g‘ri amal qilish mexanizmi va yil yakuni bo‘yicha erishiladigan aniq natijalari bilan bayon etilgan.

“O‘zbekiston – 2030” strategiyasini amalga oshirish bo‘yicha Davlat dasturida 2026 yilda Strategiyada belgilangan maqsadli ko‘rsatkichlarga erishish uchun mo‘ljallangan amaliy chora-tadbirlar, har bir soha kesimida ishlab chiqiladigan normativ-huquqiy hujjatlar va strategik islohotlarni nazarda tutuvchi qonunchilik hujjatlari loyihalari ro‘yxati nazarda tutilmoqda.

Farmon loyihasi 2026-yil 1-fevralga qadar keng jamoatchilik va ekspertlik muhokamalaridan o‘tkaziladi.

Ustuvor islohotlar dasturlari va Davlat dasturi loyihalari muhokamasida faol ishtirok eting.