Investitsiyalar, sanoat va savdo vaziri Gruziyaning Georgia’s Natural kompaniyasi bosh direktori bilan uchrashuv o‘tkazdi

8-oktabr kuni O‘zbekiston Respublikasi investitsiyalar, sanoat va savdo vaziri Laziz Kudratov Gruziyaning Georgia’s Natural kompaniyasi bosh direktori Vladimir Gugushvili bilan uchrashuv o‘tkazdi, deb xabar qilmoqda ISSV matbuot xizmati.

Tomonlar meva va rezavorlarni qayta ishlash, O‘zbekistonda tabiiy va organik sharbatlar ishlab chiqarishni yo‘lga qo‘yish, shuningdek, ushbu yo‘nalishga investitsiyalar jalb etish istiqbollarini muhokama qildilar.

Oziq-ovqat sanoatida qo‘shma loyihalarni amalga oshirish uchun mamlakatning qishloq xo‘jaligi salohiyati va ichki bozor imkoniyatlaridan foydalanishga alohida e’tibor qaratildi.

Uchrashuv yakunida tomonlar istiqbolli tashabbuslarni yanada ishlab chiqish va amaliy hamkorlikni rivojlantirish bo‘yicha kelishib oldilar.