Rossiya kompaniyasi O‘zbekistonga logistika yo‘nalishlarini rivojlantirishda yordam beradi

Shu kunlarda Fesco, Rossiyaning yirik transport guruhi, “Oʻzbekiston temir yoʻllari” AJ va “‎Uztemiryulkonteyner” AJ rahbariyati bilan muzokaralar oʻtkazdi, deb xabar bermoqda Rossiyaning Oʻzbekistondagi Savdo vakolatxonasi matbuot xizmati.

Xususan, tomonlar quyidagi yo‘nalishlarda hamkorlik qilishga kelishib oldilar:

• O‘zbekiston va Rossiya o‘rtasida konteyner tashishni rivojlantirish;
• Qirgʻiziston orqali Xitoyga va Turkmaniston orqali Turkiyaga, Afrika va Oʻrta yer dengizi mamlakatlariga FESCO intermodal xizmatlaridan foydalangan holda yangi tranzit yoʻnalishlari boʻyicha hamkorlikda ishlash;
• Toshkent va Moskva oʻrtasida toʻgʻridan-toʻgʻri konteyner tashishni tashkil etish;
• FESCO ning respublika transport infratuzilmasini rivojlantirishdagi ishtiroki va O‘zbekiston logistika sanoatini raqamlashtirish sohasidagi potentsial loyihalar.