Shavkat Mirziyoyev sog‘liqni saqlash sohasidagi 2030-yilgacha bo‘lgan asosiy vazifalarni ma’lum qildi

Shavkat Mirziyoyev sog‘liqni saqlash sohasida 2030-yilgacha bo‘lgan asosiy vazifalarni ma’lum qildi, deb xabar beradi UzDaily.uz.

“O‘zbekistonda 2030-yilga borib tibbiyotga byudjetdan ajratiladigan yillik mablag‘lar hajmi ikki barobarga oshiriladi, bu ko‘rsatkichni 6 milliard dollarga yetkazamiz. Sog‘liqni saqlash tizimi to‘liq raqamlashtiriladi, tibbiy sug‘urta tizimi joriy etiladi. Kelgusi yildan boshlab aholiga birlamchi tibbiy-sanitariya yordami orqali eng ko‘p uchraydigan 10 ta kasallikni davolash va 6 ta tibbiy xizmat ko‘rsatish uchun “kafolatlangan tibbiy paket” bepul taqdim etiladi. Buning sharofati bilan aholining tibbiy yordamga muhtoj bo‘lgan murojaatlarining 70 foizi birlamchi bosqichda hal etiladi”, — dedi Shavkat Mirziyoyev.

Shavkat Mirziyoyev sog‘liqni saqlash sohasidagi 2030-yilgacha bo‘lgan asosiy vazifalarni ma’lum qildi.

Ular:

• onalar va bolalar o’limini, bolalar o’rtasidagi irsiy kasalliklarni kamida 2 barobar kamaytirish;
• saraton, yurak-qon tomir kasalliklari, qandli diabet, respirator kasalliklar va yuqumli kasalliklardan erta o’limni 2,5 barobar kamaytirish;
• sil kasalligining keskin kamayishi.

Buning uchun:

• 120 ming onkologik, 350 ming bemor qandli diabet, 1,5 million yurak-qon tomir kasalliklari bilan kasallangan bemor to‘liq davolash bilan qamrab olinadi;
• Gepatit C ni davolash 100 foiz davlat mablag’lari hisobidan yo’lga qo’yiladi

«Saraton kasalligiga chalingan bemorlarning hayotini saqlab qolish maqsadida mamlakatimizda birinchi marta o‘zak hujayra transplantatsiyasi yo‘lga qo‘yiladi. Ehtiyojmand oilalar farzandlari uchun bunday operatsiyalar uchun sarflanadigan xarajatlar to‘liq davlat tomonidan qoplanadi”, — dedi Shavkat Mirziyoyev.

O‘zLiDeP qurultoyida Shavkat Mirziyoyev ta’kidlaganidek, imkoniyati cheklangan shaxslarni qo‘llab-quvvatlashning yangi tizimi yaratiladi. Endi ular ortopediya, reabilitatsiya, tibbiyot va farmatsevtika mahsulotlarini o‘zlari tanlashi mumkin bo‘ladi. Ular uchun davlat to’laydi.