Xitoy bilan hamkorlikda “Uzbekistan GIS Innovation” loyihasi amalga oshiriladi

23-may kuni Toshkentda Uzbekistan GIS Innovation loyihasi taqdimoti bo‘lib o‘tdi, deb xabar beradi Spot Innovatsion rivojlanish agentligi matbuot xizmatiga tayanib.

Loyiha Xitoyning SuperMap Software Co Ltd. kompaniyasi bilan hamkorlikda amalga oshirilmoqda. U shaharsozlik, yer va ko‘chmas mulkni boshqarish, uy-joy kommunal xo‘jaligi, aqlli shaharlarni amalga oshirish va hokazolar uchun dasturiy yechimlar va platformalarni yaratishga ixtisoslashgan.

Geografik axborot tizimini yaratish boʻyicha hamkorlik yaqinda Sian shahrida boʻlib oʻtgan “Markaziy Osiyo-Xitoy” sammitida eʼlon qilingan tashabbuslar roʻyxatiga kiritilgan. Agentlik direktori Olimjon To‘ychiev GIS platformasi loyihasining muhimligini ta’kidladi.

SuperMap vazirliklar, idoralar va oliy o‘quv yurtlari xodimlarini yangi platforma bilan ishlashga o‘rgatish maqsadida o‘quv seminarlarini tashkil qiladi. Tinglovchilarga mahsulotdan bepul foydalanish uchun sertifikatlar beriladi.

SuperMap Software Co., Ltd Xitoy bozoridagi birinchi GIS kompaniyasi hisoblanadi va uning platformasi sanoatning dunyodagi eng yirik loyihalaridan biridir. Kompaniyaning 4000 dan ortiq xodimlari va 100 dan ortiq mamlakatlardagi kompaniya va muassasalarning mijozlar ro’yxati mavjud.