Jizzax viloyatida hindistonlik hamkorlar bilan birgalikda 100 turdan ortiq dori vositalari ishlab chiqarish yoʻlga qoʻyiladi.

Jizzax viloyatida barpo etilayotgan “Avantika shifokor” O‘zbekiston-Hindiston qo‘shma korxonasida 100 turdan ortiq dori vositalari ishlab chiqarish yo‘lga qo‘yiladi, deb xabar bermoqda “Dunyo” axborot agentligi muxbiri.

“Shifokor-82” (O‘zbekiston) va “Avantika Medex Pvt. Ltd.» (Hindiston) Zomin tumanida 11,5 gektar maydonda tayyor farmatsevtika mahsulotlari ishlab chiqarishga ixtisoslashgan qoʻshma korxona qurmoqda.

Mazkur loyiha doirasida 30 million AQSH dollari miqdoridagi mablagʻ, jumladan, 15 million AQSh dollari xorijiy investitsiyalar oʻzlashtirilmoqda. Bu yerda planshetlar, kapsulalar, inyeksiyalar, gellar va boshqa ko‘rinishdagi farmatsevtika mahsulotlarini ishlab chiqarish yo‘lga qo‘yiladi.

“Shifokor-82” va “Avantika Medex Pvt. Ltd.» ko’p yillar davomida hamkorlik qilib kelmoqda. O‘zbekistonda keyingi yillarda yaratilgan qulay ishbilarmonlik muhiti, xalqaro hamkorlikning samaradorligi o‘zbekistonlik va hindistonlik tadbirkorlarni hamon Hindistondan olib kelinayotgan dori-darmonlarni mamlakatimizda ishlab chiqarishni o‘zlashtirishga undadi.

Yangi qo‘shma korxonada ishlab chiqarilayotgan mahsulotning 70 foizi tashqi bozorga, 30 foizi ichki bozorga jo‘natilishi rejalashtirilgan.