ISSVda Koreyaning SK Nexilis kompaniyasi vitse-prezidenti bilan uchrashuv bo’lib o’tdi

20-yanvar kuni O‘zbekiston Respublikasi Investitsiyalar, sanoat va savdo vaziri o‘rinbosari Ilzat Kasimov Koreyaning SK Nexilis kompaniyasi vitse-prezidenti Taihun Hvan bilan uchrashuv o‘tkazdi, deb xabar bermoqda ISSV matbuot xizmati.

Muzokaralar davomida tomonlar O‘zbekistonda yuqori texnologiyali tarmoqlar uchun materiallar ishlab chiqarish sohasidagi loyihaning joriy holatini muhokama qilib, uni amalga oshirishga doir asosiy tashkiliy va texnik jihatlarni ko‘rib chiqdilar.

Uchrashuv yakunida loyihani amalga oshirish va sanoat kooperatsiyasini mustahkamlashga qaratilgan hamkorlikni rivojlantirish bo‘yicha keyingi choralar belgilab olindi.