Toshkentda O‘zbekiston va Eron Savdo-sanoat palatalari o‘rtasidagi hamkorlik istiqbollari muhokama qilindi

O‘zbekiston Savdo-sanoat palatasida Eron Savdo-sanoat, tog‘-kon va qishloq xo‘jaligi palatasi prezidenti Samad Hasanzoda boshchiligidagi delegatsiya bilan uchrashuv bo‘lib o‘tdi, deb xabar bermoqda “Dunyo” axborot agentligi muxbiri.

Ushbu uchrashuv O‘zbekistonning Erondagi elchixonasi tashabbusi bilan tashkil etildi.

Tadbirda Eron tomonidan Savdo-sanoat, tog‘-kon va qishloq xo‘jaligi palatasi prezidenti Samad Hasanzoda, uning o‘rinbosari Said Azgariy, Eron-O‘zbekiston qo‘shma savdo-sanoat palatasi raisi Muso Ogaiy, Eron tomonidan O‘zbekiston Respublikasi Savdo-sanoat palatasi raisi o‘rinbosari Savdoni rivojlantirish tashkiloti Kanotzodeh, Eronning Toshkentdagi elchisi Muhammad Iskandariy va toʻqimachilik, qurilish materiallari, qishloq xoʻjaligi, farmatsevtika va sogʻliqni saqlash kabi sohalarda faoliyat yuritayotgan 15 ga yaqin Eron kompaniyasi vakillari ishtirok etdi.

Yig‘ilishda mamlakatimizdan Savdo-sanoat palatasi raisi Davron Vahobov, uning o‘rinbosari Dilshod Rasulov va O‘zbekistonning Erondagi elchisi Fariddin Nasrievlar ishtirok etdi.

Suhbat chog‘ida O‘zbekiston va Eron o‘rtasidagi iqtisodiy hamkorlikni yanada rivojlantirish istiqbollari, savdo aloqalarini kengaytirish, tovar ayirboshlash hajmini oshirish, shuningdek, ikki mamlakat o‘rtasida eksport va import sohasida yuzaga kelayotgan muammolarni muhokama qildi.

Uchrashuv yakunlari boʻyicha ikki tomonlama hamkorlikni rivojlantirish boʻyicha kelishuvlarga erishildi, bu esa, oʻz navbatida, ikki davlat oʻrtasidagi iqtisodiy aloqalarni mustahkamlash yoʻlida muhim qadam boʻladi.

Eslatib o‘tamiz, Eron Savdo-sanoat, tog‘-kon va qishloq xo‘jaligi palatasi prezidenti Samad Hasanzoda boshchiligidagi delegatsiya tarkibida 60 dan ortiq ishbilarmonlik muhiti vakillari bor va ayni paytda O‘zbekistonda bo‘lib turibdi. 19-sentabr kuni Toshkentda, 20-sentabr kuni Xivada O‘zbekiston va Eronning qo‘shma biznes-forumlari o‘tkazilishi rejalashtirilgan.