Investitsiyalar, sanoat va savdo vaziri o‘rinbosari «PASHA Financial Holding» bosh direktori bilan uchrashuv o‘tkazdi

22-sentabr kuni O‘zbekiston Respublikasi investitsiyalar, sanoat va savdo vaziri o‘rinbosari Xurram Teshabayev «PASHA Financial Holding» bosh direktori Farid Mamedov bilan uchrashuv o‘tkazdi, deb xabar qilmoqda vazirlik matbuot xizmati.

Muzokaralar davomida moliya sohasida, jumladan, bank va sug‘urta yo‘nalishlarida hamkorlikni kengaytirish istiqbollari, shuningdek, investitsiyaviy sheriklikning mumkin bo‘lgan shakllari ko‘rib chiqildi.

FinTech, raqamli moliyaviy xizmatlar va istiqbolli investitsiya loyihalariga alohida e’tibor qaratildi.

Tomonlar o‘zaro manfaatli hamkorlikni yanada rivojlantirish hamda O‘zbekiston va Ozarbayjon o‘rtasidagi investitsiyaviy-iqtisodiy aloqalarni mustahkamlashdan manfaatdor ekanliklarini bildirdilar.